અનીત પડ્ડા અને અહાન પાંડે બન્નેએ સાથે કરી પાર્ટી અને પછી બની ગયાં અજનબી

અનીત પડ્ડા અને અહાન પાંડેની કેમિસ્ટ્રી ‘સૈયારા’માં ફૅન્સને બહુ ગમી હતી. આ ફિલ્મની સફળતા બાદ બન્ને રિયલ લાઇફમાં પણ રિલેશનશિપમાં હોવાની ચર્ચા હતી. જોકે અહાને પછી સ્પષ્ટતા કરીને અનીતને માત્ર તેની ખાસ મિત્ર ગણાવી હતી.

અનીત પડ્ડા અને અહાન પાંડે

અનીત પડ્ડા અને અહાન પાંડેની કેમિસ્ટ્રી ‘સૈયારા’માં ફૅન્સને બહુ ગમી હતી. આ ફિલ્મની સફળતા બાદ બન્ને રિયલ લાઇફમાં પણ રિલેશનશિપમાં હોવાની ચર્ચા હતી. જોકે અહાને પછી સ્પષ્ટતા કરીને અનીતને માત્ર તેની ખાસ મિત્ર ગણાવી હતી. જોકે આ સ્પષ્ટતા પછી અનીત અને અહાનને ફિલ્મમેકર ઝોયા અખ્તરના ઘરે યોજાયેલી એક પાર્ટીમાં સ્પૉટ કરવામાં આવ્યાં. બન્ને તેમના મિત્રો સાથે પાર્ટીમાં પહોંચ્યાં અને પાર્ટીની ભરપૂર મજા માણી.

જોકે પાર્ટીમાંથી બહાર નીકળતી વખતે બન્ને એકબીજાથી અલગ પડી ગયાં હતાં અને ફોટોગ્રાફર્સ સામે પોઝ આપવાને બદલે સીધાં પોતપોતાની કારમાં બેઠાં અને ઘર તરફ ચાલ્યાં ગયાં.

કેવી લાગે છે અહાન પાંડેની નવી હેરસ્ટાઇલ?
અહાન પાંડે હાલમાં ઍરપોર્ટ પર જોવા મળ્યો હતો. ડેનિમ, સ્વેટશર્ટ અને ગૉગલ્સ પહેરેલો અહાન સ્ટાઇલિશ દેખાતો હતો, પણ સૌથી વધારે ધ્યાન તેની નવી હેરકટે ખેંચ્યું હતું. આ નવા હેરકટને કારણે તેનો લુક સાવ અલગ લાગતો હતો.