શોલેના દિવંગત સુપરસ્ટાર્સ ધર્મેન્દ્ર અને અસરાની મૃત્યુ પછી સાથે જોવા મળ્યા

29 November, 2025 03:23 PM IST  |  Mumbai | Gujarati Mid-day Correspondent

૧૯૭૫ની સુપરહિટ ફિલ્મ ‘શોલે’ના બે સ્ટાર અસરાનીનું ૨૦ ઑક્ટોબરે ૮૪ વર્ષની વયે અને ધર્મેન્દ્રનું ૨૪ નવેમ્બરે ૮૯ વર્ષની વયે અવસાન થયું છે પણ હાલમાં બન્ને એકસાથે એક ફ્રેમમાં જોવા મળ્યા છે.

શોલેના દિવંગત સુપરસ્ટાર્સ ધર્મેન્દ્ર અને અસરાની મૃત્યુ પછી સાથે જોવા મળ્યા

૧૯૭૫ની સુપરહિટ ફિલ્મ ‘શોલે’ના બે સ્ટાર અસરાનીનું ૨૦ ઑક્ટોબરે ૮૪ વર્ષની વયે અને ધર્મેન્દ્રનું ૨૪ નવેમ્બરે ૮૯ વર્ષની વયે અવસાન થયું છે પણ હાલમાં બન્ને એકસાથે એક ફ્રેમમાં જોવા મળ્યા છે. ધર્મેન્દ્રના અવસાન પછી તેમની છેલ્લી ફિલ્મ ‘ઇક્કીસ’ના મેકર્સે તાજેતરમાં ધર્મેન્દ્રના અવાજમાં એક ઇમોશનલ કવિતા રિલીઝ કરી છે. આ કવિતા તેમની જન્મભૂમિ અને મૂળિયા તરફના પ્રેમ વિશે વાત કરે છે.

ટીમે જે વિડિયો શૅર કર્યો છે એમાં ધર્મેન્દ્ર જોવા મળે છે. ‘આજ ભી જી કરદા હૈ, અપને પિંડ નૂ જાવાં’ નામની આ સુંદર કવિતા કોઈ વ્યક્તિના પોતાના વતન સાથેના ઊંડા સંબંધને દર્શાવે છે અને મનની અંદર છુપાયેલી ત્યાં ફરીથી જવાની ઇચ્છા તથા પોતાની મૂળને સ્પર્શવાની તીવ્ર ભાવના દર્શાવે છે. આ કવિતામાં ધર્મેન્દ્રને છેલ્લી વાર પડદા પર જોઈને અને તેમના અવાજમાં કવિતા સાંભળીને ફૅન્સ ભાવુક બની ગયા છે. આ કવિતાના વિડિયોની એક ફ્રેમમાં ધર્મેન્દ્ર અને અસરાની સાથે જોવા મળે છે. આ બન્નેને એકસાથે જોઈને ફૅન્સ ખુશ થઈ ગયા છે.

asrani dharmendra celebrity death bollywood buzz bollywood news bollywood entertainment news