બૉલીવુડના હીરોને સાઉથમાં વિલનનો રોલ જ આપવામાં આવે છે

સુનીલ શેટ્ટી કહે છે કે આ કારણસર તે હિન્દી ફિલ્મોમાં જ કામ કરવાનું વધારે પસંદ કરે છે

સુનિલ શેટ્ટી

સુનીલ શેટ્ટી પોતે મૅન્ગલોરિયન હોવા છતાં શક્ય હોય ત્યાં સુધી હિન્દી ફિલ્મોમાં કામ કરવાનું પસંદ કરે છે અને સાઉથ ઇન્ડિયન સિનેમાની ઑફર મોટા ભાગે નકારી દે છે. પોતાના આ અભિગમ પાછળનાં કારણોની ચર્ચા કરતાં સુનીલ શેટ્ટીએ એક ઇન્ટરવ્યુમાં કહ્યું હતું કે ‘મને સાઉથમાંથી અનેક ફિલ્મોની ઑફર્સ મળે છે, પરંતુ હું મોટા ભાગે એ ફિલ્મો સાઇન નથી કરતો કારણ કે બૉલીવુડના હીરોને સાઉથની ફિલ્મોમાં સામાન્ય રીતે ખલનાયકની ભૂમિકા જ આપવામાં આવે છે. આ સ્ક્રીન પર સારું લાગે છે અને પ્રેક્ષકોને પણ ગમે છે, પરંતુ આ જ એક વાત મને પસંદ નથી. જોકે આજકાલ ભાષાની કોઈ બાધા નથી. જો કોઈ બાધા છે તો એ કન્ટેન્ટની છે. જો તમારું કન્ટેન્ટ દમદાર હશે તો એ તમામ અવરોધો પાર કરી જશે.’