કહી બતાવો કે આ કૉર્ન છે કે બ્રેડ?

કાંદિવલીમાં તાજેતરમાં જ શરૂ કરવામાં આવેલી સ્પાયરલ ડંકમાં એકદમ નવા જ પ્રકારનું ડિઝર્ટ મળે છે

મહાવીરનગરમાં નવેમ્બર મહિનામાં જ એક ડિઝર્ટ શૉપ ‘સ્પાયરલ ડંક’ શરૂ કરવામાં આવી છે

ડિઝર્ટ-લવર માટે ગુડ ન્યુઝ છે, કેમ કે ડિઝર્ટની યાદીમાં વધુ એક નામ ઉમેરાયું છે. એ છે સ્પાયરલ કૉર્ન. જેવું એનું યુનિક નામ છે એવો જ એનો લુક પણ છે. અહીં એવું કહેવામાં આવે છે કે આ ભારતનું પ્રથમ એવું સ્પાયરલ કૉર્ન ડિઝર્ટ છે.

મહાવીરનગરમાં નવેમ્બર મહિનામાં જ એક ડિઝર્ટ શૉપ ‘સ્પાયરલ ડંક’ શરૂ કરવામાં આવી છે. આમ તો રોજ નવી-નવી ડિઝર્ટ શૉપ બધે ખૂલતી રહેતી હોય છે, પરંતુ અહીંની શૉપ કંઈક અલગ છે જેનું કારણ છે અહીં મળતું સ્પાયરલ કૉર્ન જે અહીં જ બનાવવામાં આવે છે. પછી એના પર અલગ-અલગ ટૉપિંગ સર્વ કરીને આપવામાં આવે છે. સ્પાયરલ કૉર્નની વાત કરીએ તો અહીં હાજર શેફ દ્વારા કૉર્નને સ્પાયરલ શેપમાં રૅપ કરીને એને સ્પેશ્યલ અવનમાં બેક કરવામાં આવે છે. સ્પાયરલ કૉર્ન બેક થઈ જાય પછી એમાં અંદર બ્રાઉની, ચૉકલેટ વગેરે ફિલ કરીને સર્વ કરવામાં આવે છે. અહીં અત્યારે દુબઈ ચૉકલેટ સ્પાયરલ કૉર્ન ઘણું ફેમસ છે. બીજી અનેક વરાઇટીનાં કૉર્ન અહીં મળે છે. સ્પાયરલ કૉર્ન ઉપરાંત અહીં વોફલ્સ ડન્ક્સ, ડોનટ ડન્ક્સ, સ્પાયરલ સિલિન્ડર વગેરે નવી વરાઇટી પણ મળે છે.

ક્યાં મળશે ? : સ્પાયરલ ડંક, બોરસપાડા રોડ, જંગલ જૂસની સામે, મહાવીરનગર, કાંદિવલી-વેસ્ટ