એશિયામાં જગતના કયા દેશો શક્તિશાળી?

પ્રતીકાત્મક તસવીર (તસવીર સૌજન્યઃ એઆઇ)

ઑસ્ટ્રેલિયાની પ્રતિષ્ઠિત લોવી ઇન્સ્ટિટ્યૂટે એના વાર્ષિક એશિયા પાવર ઇન્ડેક્સ 2025નું પ્રકાશન કર્યું છે જેમાં એશિયામાં ૨૭ દેશોના સૈન્ય, આર્થિક, રાજકીય અને સાંસ્કૃતિક પ્રભાવનું મૂલ્યાંકન કરવામાં આવ્યું છે. આ રિપોર્ટમાં ચીન એશિયાના પાવરહાઉસ તરીકે ઊભરી રહ્યું હોવાનું જણાવવામાં આવ્યું છે. ભારત પણ આગળ વધી રહ્યું છે અને અમેરિકાના પ્રભાવમાં ઘટાડો થઈ રહ્યો છે.
સૈન્ય-ક્ષમતા, સુરક્ષા-નેટવર્ક, આર્થિક તાકાત, કૂટનીતિક પ્રભાવ, સાંસ્કૃતિક પહોંચ, ફ્લેક્સિબિલિટી અને ભવિષ્યની સંસાધન ક્ષમતાના આધાર જેવાં ૮ ક્ષેત્રના આધારે આ રિપોર્ટ રૅન્ક આપે છે. આ રિપોર્ટમાં પાકિસ્તાન ટોચના ૧૦માંથી બહાર છે અને ૧૬મા સ્થાને છે.

૧૦ પાવરફુલ દેશ

૧. અમેરિકા ૮૦.૫ સુપર પાવર
૨. ચીન ૭૩.૭ સુપર પાવર
૩. ભારત ૪૦.૦ મેજર પાવર
૪. જપાન ૩૮.૮ મિડલ પાવર
૫. રશિયા ૩૨.૧ મિડલ પાવર
૬. ઑસ્ટ્રેલિયા ૩૧.૮ મિડલ પાવર
૭. સાઉથ કોરિયા ૩૧.૫ મિડલ પાવર
૮. સિંગાપોર ૨૬.૮ મિડલ પાવર
૯. ઇન્ડોનેશિયા ૨૨.૫ મિડલ પાવર
૧૦.મલેશિયા ૨૦.૬ મિડલ પાવર

ભારતની વધતી શક્તિ

રિપોર્ટમાં એશિયામાં ભારતના વધતા જતા પ્રભાવને રેખાંકિત કરવામાં આવ્યો છે. ભારત હવે મેજર પાવર છે. આર્થિક વૃદ્ધિ અને વધતી સૈન્ય-ક્ષમતાના કારણે ભારતનો ઉદય થયો છે. ભારતની સૈન્ય અને સંસાધનવૃદ્ધિ મહત્ત્વપૂર્ણ રહી છે પણ એનો કૂટનીતિક અને આર્થિક પ્રભાવ પર ક્ષમતામાં મેળ ખાતો નથી, જેમાં ભવિષ્યમાં અપાર સંભાવનાઓ દેખાય છે.