શિર્ડીની પદયાત્રાએ નીકળેલા યાત્રાળુઓને વાહને અડફેટે લીધા : એકનું મોત, એક ઘાયલ

અકસ્માત કર્યા પછી વાહનનો ડ્રાઇવર વાહન ભગાવી ગયો હતો

પ્રતીકાત્મક ફાઇલ તસવીર

વિરારથી પદયાત્રા કરીને શિર્ડી પાલખી લઈ જનારા યાત્રાળુઓએ મંગળવારે તેમની પદયાત્રા ચાલુ કરી હતી. ગુરુવારે વહેલી સવારે તેમનું ગ્રુપ મુંબઈ-નાશિક રોડ પરના શહાપુર તાલુકાના વાફે ગામ પાસેથી પસાર થઈ રહ્યું હતું ત્યારે કોઈ અજ્ઞાત વાહને તેમના બે પદયાત્રીને અડફેટે લીધા હતા. અકસ્માત કર્યા પછી વાહનનો ડ્રાઇવર વાહન ભગાવી ગયો હતો. આ દુર્ઘટનામાં ૨૩ વર્ષના શશિકાંત શિંદેનું ગંભીર ઈજા થવાથી ઘટનાસ્થળે જ મોત થયું હતું, જ્યારે ૨૦ વર્ષના બશીર શેખને ગંભીર ઈજા થઈ હતી. તેને શહાપુરની સબ-ડિસ્ટ્રિક્ટ હૉસ્પિટલમાં સારવાર આપવામાં આવી રહી છે. પોલીસે હિટ ઍન્ડ રનનો કેસ નોંધીને કેસની વધુ તપાસ ચાલુ કરી છે.