દહિસર-ઈસ્ટથી કાશીગાવ વચ્ચે ડિસેમ્બરમાં મેટ્રો શરૂ થવાનો માર્ગ બન્યો મોકળો

મેટ્રો 9ના પહેલા તબક્કા માટે ઇન્ડિપેન્ડન્ટ સેફ્ટી અસેસમેન્ટ સર્ટિફિકેટ મળી ગયું

ફાઇલ તસવીર

દહિસર-ઈસ્ટથી મીરા-ભાઈંદર વચ્ચે પ્રસ્તાવિત મેટ્રો 9નો પહેલો તબક્કો ડિસેમ્બર મહિનામાં શરૂ થવાની તૈયારી છે. દહિસર-ઈસ્ટથી કાશીગાવ વચ્ચેના પહેલા તબક્કાને આખરી ઓપ આપવા માટે છેલ્લી ઘડીની પરવાનગીઓ અને સર્ટિફિકેટ્સ મેળવવાની પ્રક્રિયા હાથ ધરવામાં આવી છે. તાજેતરમાં જ મેટ્રો 9ના પહેલા તબક્કા માટે ઇન્ડિપેન્ડન્ટ સેફ્ટી અસેસમેન્ટ (ISA) સર્ટિફિકેટ મેળવવામાં આવ્યું છે.

ડિસેમ્બરના પહેલા અઠવાડિયામાં કમિશનર ઑફ મેટ્રો રેલવે સેફ્ટી (CMRS) મેટ્રો 9નું પરીક્ષણ કરશે. ત્યાર બાદ જરૂરી સર્ટિફિકેટ ઉપલબ્ધ થયા પછી ડિસેમ્બરના છેલ્લા અઠવાડિયામાં દહિસર-ઈસ્ટથી કાશીગાંવ સુધીની મેટ્રો શરૂ થવાની શક્યતા છે.

૧૩.૫ કિલોમીટર લાંબા મેટ્રો 9ના રૂટ પર કુલ ૧૦ સ્ટેશનો હશે. દહિસર-ઈસ્ટથી કાશીગાંવ ૪.૫ કિલોમીટરના માર્ગ પર ડિસેમ્બરથી મેટ્રો દોડશે.