મુંબઈના બેસ્ટ વિસ્તારોમાં દુકાન ખરીદવાની તક મળશે મ્હાડાના ઑક્શનમાં

29 November, 2025 11:27 AM IST  |  Mumbai | Gujarati Mid-day Correspondent

ચારકોપ, માલવણી, ગોરેગામ, કુર્લા, મુલુંડ જેવા વિસ્તારોની ૮૪ દુકાનોની અૉનલાઇન હરાજી કરવામાં આવશે

પ્રતીકાત્મક તસવીર (તસવીર સૌજન્યઃ એઆઇ)

મહારાષ્ટ્ર હાઉસિંગ ઍન્ડ એરિયા ડેવલપમેન્ટ ઑથોરિટી (MHADA-મ્હાડા) મુંબઈમાં ૮૪ કમર્શિયલ શૉપ્સનું ઑક્શન કરવાની તૈયારી કરી રહી છે. શહેરના કેટલાક સૌથી બિઝી અને હાઈ-ડિમાન્ડ એરિયામાં આવેલી આ શૉપ્સને ઑક્શન દ્વારા વેચવામાં આવશે. આ ઑક્શનની સમગ્ર પ્રક્રિયા મ્હાડાની ઑફિશ્યલ વેબસાઇટ પરથી ઑનલાઇન થવાની છે. આ દુકાનોની કિંમત ૨૮ લાખ રૂપિયાથી શરૂ થઈને ૧૦ કરોડ રૂપિયા સુધીની હશે. આ લિસ્ટમાં સૌથી વધુ મલાડના માલવણીમાં ૨૯ દુકાનો અને ગોરેગામ-ઈસ્ટમાં ૧૭ દુકાનો છે.

આ પોર્ટલ પર થશે આ‌ૅનલાઇન હરાજી eauction.mhada.gov.in.

આ ઑક્શનમાં રસ હોય તો આટલું જાણી લો

વેબસાઇટ પર ૨૧ ડિસેમ્બર રાતે ૧૧.૫૯ વાગ્યા પહેલાં રજિસ્ટર કરાવી લેવું.
સમયસર ડિપોઝિટનું ઑનલાઇન પેમેન્ટ કરી દેવું.
ઑક્શન ૨૩ ડિસેમ્બરે યોજાશે અને ૨૪ ડિસેમ્બરે પરિણામ જાહેર થશે.

MHADA maharashtra news maharashtra charkop malad goregaon kurla mulund mumbai mumbai news