૧ અને ૨ ડિસેમ્બરે ૧૧ વૉર્ડમાં વૉટર-સપ્લાયને અસર થશે

પ્રતીકાત્મક તસવીર

આવતા અઠવાડિયામાં ૨૫૦૦ મિલીમીટરની પાણીની પાઇપલાઇનને અમર મહલ અન્ડરગ્રાઉન્ડ ટનલ શાફ્ટ (૧ અને ૨) સાથે જોડવાની કામગીરી હાથ ધરવામાં આવશે. એને કારણે પહેલી ડિસેમ્બરે સવારે ૧૦ વાગ્યાથી બીજી ડિસેમ્બરે સાંજે ૪ વાગ્યા સુધી શહેરના ૧૧ વૉર્ડમાં વૉટર-સપ્લાયને અસર થશે. આ સમય દરમ્યાન કેટલાક વિસ્તારોમાં પાણી લો પ્રેશરમાં આવશે તો અન્ય કેટલાક વિસ્તારોમાં પાણી સંપૂર્ણ બંધ રહેશે.

આ કામગીરીને લીધે કયા-કયા વૉર્ડમાં અસર થશે?

A (કોલાબા, ચર્ચગેટ), B (ડોંગરી), C (મરીન લાઇન્સ), E (ભાયખલા), F-સાઉથ (પરેલ), F-નૉર્થ (વડાલા, સાયન), M-ઈસ્ટ (માનખુર્દ, દેવનાર), M-વેસ્ટ (ચેમ્બુર), L (કુર્લા), S (ભાંડુપ) અને N (ઘાટકોપર).

કાંદિવલી-ઈસ્ટમાં ૪ ડિસમ્બરે પાણીકાપ

ચોથી ડિસેમ્બરે R-સાઉથ વૉર્ડ (કાંદિવલી-ઈસ્ટ)માં ઠાકુર વિલેજ, સમતાનગર, ચીખલવાડી અને જાનુપાડા વિસ્તારોમાં વૉટર સપ્લાય બંધ રહેશે. આ સમયમાં બૃહન્મુંબઈ મ્યુનિસિપલ કૉર્પોરેશન (BMC) દ્વારા વૉટર ડિસ્ટ્રિબ્યુશન ઇમ્પ્રોવાઇઝેશન પ્રોજેક્ટની કામગીરી હાથ ધરવામાં આવશે, જેમાં ૯૦૦ મિલીમીટરની નવી વૉટર લાઇનો જોડવામાં આવશે.

આ કામગીરી કાંદિવલી-ઈસ્ટમાં વેસ્ટર્ન એક્સપ્રેસ હાઇવે પર ૪ ડિસેમ્બરે બપોરે ૧.૩૦ વાગ્યાથી પાંચમી ડિસેમ્બરે સવારે ૭.૩૦ વાગ્યા સુધી એટલે કે ૧૮ કલાક સુધી ચાલશે. R-સાઉથ વૉર્ડના વિસ્તારોમાં BMC દ્વારા સાંજે ૬.૨૫ વાગ્યાથી ૮.૨૫ વાગ્યા સુધી પાણી પૂરું પાડવામાં આવે છે, પણ ૪ ડિસેમ્બરે આ વૉટર-સપ્લાય બંધ રહેશે.

બીજી ડિસેમ્બરે ૧૨ કલાક પાણીકાપ ડોમ્બિવલીમાં

ડોમ્બિવલી ઈસ્ટ અને વેસ્ટમાં પાણીપુરવઠો પૂરો પાડતાં વૉટર પ્યૉરિફાઇંગ સેન્ટર્સમાં બીજી ડિસેમ્બરે મેઇન્ટેનન્સની કામગીરી હાથ ધરવામાં આવશે. એને કારણે બીજી ડિસેમ્બરે સવારે ૯ વાગ્યાથી રાતે ૯ વાગ્યા સુધી વૉટર સપ્લાય બંધ રહેશે.