હરિદ્વારના ૨૦૨૭ના અર્ધકુંભમેળાનાં મુખ્ય ૧૦ સ્નાનની તિથિઓ ફાઇનલ

જાન્યુઆરીથી એપ્રિલ મહિના સુધી ચાલનારા અર્ધમહાકુંભમાં સાધુ-સંતો સાથે ૪ શાહી અમૃતસ્નાન થશે

ઉત્તરાખંડના મુખ્ય પ્રધાન પુષ્કર સિંહ ધામી અને ૧૩ અખાડાના પ્રતિનિધિઓની બેઠકમાં નક્કી થયું હતું

ઉત્તરાખંડના હરિદ્વારમાં ૨૦૨૭ના જાન્યુઆરીમાં થનારા અર્ધકુંભમેળાની મુખ્ય તિથિઓ જાહેર થઈ છે. ગઈ કાલે ઉત્તરાખંડના મુખ્ય પ્રધાન પુષ્કર સિંહ ધામી અને ૧૩ અખાડાના પ્રતિનિધિઓની બેઠકમાં નક્કી થયું હતું કે જાન્યુઆરીથી એપ્રિલ મહિના સુધી ચાલનારા અર્ધમહાકુંભમાં સાધુ-સંતો સાથે ૪ શાહી અમૃતસ્નાન થશે. આ સદીઓ જૂની પરંપરા છે. સૌથી પહેલું સ્નાન ૧૪ જાન્યુઆરીએ મકરસંક્રાન્તિના દિવસે થશે અને છેલ્લું સ્નાન ૨૦ એપ્રિલે ચૈત્ર પૂર્ણિમાના દિવસે થશે.

મુખ્ય સ્નાનની તિથિઓ

૧૪ જાન્યુઆરી ૨૦૨૭, મકર સંક્રાન્તિ

૬ ફેબ્રુઆરી ૨૦૨૭, મૌની અમાવસ્યા

૧૧ ફેબ્રુઆરી ૨૦૨૭, વસંત પંચમી

૨૦ ફેબ્રુઆરી ૨૦૨૭, માઘ પૂર્ણિમા

શાહી અમૃતસ્નાનની તિથિઓ

પ્રથમ અમૃતસ્નાન : ૬ માર્ચ ૨૦૨૭, મહાશિવરાત્રિ

બીજું અમૃતસ્નાન : ૮ માર્ચ ૨૦૨૭, સોમવતી અમાવસ્યા

ત્રીજું અમૃતસ્નાન : ૧૪ એપ્રિલ ૨૦૨૭, મેષ સંક્રાન્તિ

ચોથું અમૃતસ્નાનઃ ૨૦ એપ્રિલ ૨૦૨૭, ચૈત્ર પૂર્ણિમા

અન્ય મહત્ત્વપૂર્ણ તિથિ

૭ એપ્રિલ ૨૦૨૭, નવ સંવત્સર

૧૫ એપ્રિલ ૨૦૨૭, રામનવમી