૧૦૪ સ્કાય ડાઇવરોએ આકાશમાં અનોખું ફૉર્મેશન બનાવીને રચ્યો નવો ઇતિહાસ

આ સ્કાય ડાઇવિંગ ઇવેન્ટમાં ભાગ લેનારા લોકોમાં યંગસ્ટર્સની લઈને ૮૦ વર્ષના દાદા પણ સામેલ હતા

આ સ્કાય ડાઇવરોએ અલગ-અલગ હેલિકૉપ્ટરમાંથી ડાઇવ મારીને આકાશમાં કૅનોપી જેવો શેપ રચ્યો હતો

અમેરિકાના ફ્લૉરિડાના લેક વેલ્સમાં બાવીસમી નવેમ્બરે એક સ્કાય ડાઇવિંગ ઇવેન્ટ થઈ હતી. એમાં વિશ્વભરના કુલ ૧૦૪ સ્કાય ડાઇવરોએ ભાગ લીધો હતો. આ સ્કાય ડાઇવરોએ અલગ-અલગ હેલિકૉપ્ટરમાંથી ડાઇવ મારીને આકાશમાં કૅનોપી જેવો શેપ રચ્યો હતો. આ ઘટનાને વર્લ્ડ રેકૉર્ડ તરીકે પ્રમાણિત કરવામાં આવી હતી. આ પહેલાંનો વર્લ્ડ રેકૉર્ડ ૨૦૦૭માં ૧૦૦ જમ્પર્સે બનાવ્યો હતો. આ પ્રોજેક્ટ ૧૩૦ લોકોના ગ્રુપે વર્ષોની મહેનત બાદ પાર પાડ્યો હતો. છેલ્લાં ત્રણ વર્ષથી તેઓ આકાશમાં કઈ રીતે એકબીજાના પૅરૅશૂટમાં અટવાયા વિના સેંકડોની સંખ્યામાં સાથે હવામાં ઊડી શકે એ માટેની પ્રૅક્ટિસ કરી રહ્યા હતા. આ સ્કાય ડાઇવિંગ ઇવેન્ટમાં ભાગ લેનારા લોકોમાં યંગસ્ટર્સની લઈને ૮૦ વર્ષના દાદા પણ સામેલ હતા.