આયરલૅન્ડે ૨૦૨૫ની પહેલી T20 જીત મેળવી

29 November, 2025 02:13 PM IST  |  Mumbai | Gujarati Mid-day Correspondent

બંગલાદેશમાં આયોજિત ૩ મૅચની સિરીઝમાં વિજયી શરૂઆત કરીને આયરલૅન્ડે આ વર્ષે પહેલી T20 જીત નોંધાવી છે. આ વર્ષે હમણાં સુધી રમાયેલી ૭ મૅચમાં આયરલૅન્ડ પાંચ મૅચ હાર્યું છે, એક જીત્યું છે અને એક મૅચ નો-રિઝલ્ટ રહી હતી.

આયરલૅન્ડના સ્પિનર મૅથ્યુ હમ્ફ્રીસે માત્ર ૧૩ રનમાં ૪ વિકેટ લઈને કરીઅરનું બેસ્ટ પ્રદર્શન કર્યું હતું

બંગલાદેશમાં આયોજિત ૩ મૅચની સિરીઝમાં વિજયી શરૂઆત કરીને આયરલૅન્ડે આ વર્ષે પહેલી T20 જીત નોંધાવી છે. આ વર્ષે હમણાં સુધી રમાયેલી ૭ મૅચમાં આયરલૅન્ડ પાંચ મૅચ હાર્યું છે, એક જીત્યું છે અને એક મૅચ નો-રિઝલ્ટ રહી હતી. બંગલાદેશ સામેની પહેલી મૅચ આયરલૅન્ડે ૩૯ રને જીતી છે. સિરીઝની બીજી મૅચ આજે અને ત્રીજી મૅચ બે ડિસેમ્બરે રમાશે.

આયરલૅન્ડના બૅટર હૅરી ટેક્ટરે 
૪૫ બૉલમાં એક ફોર અને પાંચ સિક્સરની મદદથી ૬૯ રનની નૉટ આઉટ ઇનિંગ્સ રમીને ટીમનો સ્કોર ૧૮૧-૪ સુધી પહોંચાડ્યો હતો. આયરલૅન્ડના સ્પિનર મૅથ્યુ હમ્ફ્રીસે માત્ર ૧૩ રનમાં ૪ વિકેટ લઈને બંગલાદેશને ૯ વિકેટે ૧૪૨ રનના સ્કોર સુધી સીમિત રાખ્યું હતું. બંગલાદેશી બૅટર તૌહીદ હૃદયે ૭ ફોર અને ૩ સિક્સરની મદદથી ૫૦ બૉલમાં રમેલી ૮૩ રનની અણનમ ઇનિંગ્સ એળે ગઈ હતી. 

ireland bangladesh t20 international cricket news sports news