સ્મૃતિ માન્ધનાને ટેકો આપવા WBBL અધવચ્ચેથી છોડનાર જેમિમા રૉડ્રિગ્સને રિયલ ટીમમેટ ગણાવી સુનીલ શેટ્ટીએ

29 November, 2025 01:36 PM IST  |  Mumbai | Gujarati Mid-day Correspondent

જેમિમા રૉડ્રિગ્સે સ્મૃતિ માન્ધના માટે ઑસ્ટ્રેલિયાની વિમેન્સ બિગ બૅશ લીગ (WBBL) અધવચ્ચેથી છોડીને દોસ્તીની મિસાલ કાયમ કરી છે. તેણે ઑસ્ટ્રેલિયામાં આયોજિત WBBLમાં પોતાની બાકીની ૪ મૅચ માટે બ્રિસબેન હીટમાંથી રિલીઝ થવાનો નિર્ણય લીધો છે.

સ્મૃતિ માન્ધનાને ટેકો આપવા જેમિમા રૉડ્રિગ્સને રિયલ ટીમમેટ ગણાવી સુનીલ શેટ્ટીએ

ભારતીય મહિલા ક્રિકેટ-ટીમની સ્ટાર ક્રિકેટર જેમિમા રૉડ્રિગ્સે સ્મૃતિ માન્ધના માટે ઑસ્ટ્રેલિયાની વિમેન્સ બિગ બૅશ લીગ (WBBL) અધવચ્ચેથી છોડીને દોસ્તીની મિસાલ કાયમ કરી છે. તેણે ઑસ્ટ્રેલિયામાં આયોજિત WBBLમાં પોતાની બાકીની ૪ મૅચ માટે બ્રિસબેન હીટમાંથી રિલીઝ થવાનો નિર્ણય લીધો છે. પપ્પાના ખરાબ સ્વાસ્થ્ય અને પોસ્ટપોન થયેલાં લગ્ન જેવી મુશ્કેલીઓથી ઘેરાયેલી સ્મૃતિને ટેકો આપવા તેણે ભારતમાં જ રહેવાનો નિર્ણય લીધો છે.

આ સમાચારનો એક ન્યુઝપેપર આર્ટિકલ શૅર કરીને બૉલીવુડ ઍક્ટર સુનીલ શેટ્ટીએ સોશ્યલ મીડિયા પર લખ્યું કે ‘જેમિમા સ્મૃતિ સાથે રહેવા માટે WBBL છોડી રહી છે. તેણે કોઈ મોટું નિવેદન નહીં આપ્યું, ફક્ત શાંત એકતા બતાવી. આ વસ્તુ રિયલ ટીમમેટ જ કરી શકે છે.’

ગયા અઠવાડિયે તે લગ્નમાં હાજરી આપવા માટે પૂર્વ-આયોજિત પ્રતિબદ્ધતા અનુસાર ઑસ્ટ્રેલિયાથી ભારત પરત ફરી હતી. જોકે અણધારી આપત્તિને કારણે બ્રિસબેન હીટ ટીમે જેમિમાની વિનંતી સ્વીકારીને બન્ને ભારતીય પ્લેયર્સને ભવિષ્ય માટે શુભકામનાઓ આપી છે. આ ટીમ માટે જેમિમા વર્તમાન સીઝનમાં ૩ મૅચમાં ૩૭ રન જ કરી શકી હતી. તે વિમેન્સ બિગ બૅશ લીગની વર્તમાન સીઝનમાં રમનાર એકમાત્ર ભારતીય હતી. 

smriti mandhana Jemimah rodrigues womens premier league cricket news sunil shetty sports news