29 November, 2025 01:41 PM IST | Ranchi | Gujarati Mid-day Correspondent
રાંચીમાં ધોનીના ઘરે ડિનર કરવા પહોંચ્યા વિરાટ કોહલી, રિષભ પંત અને ઋતુરાજ ગાયકવાડ
ટીમ ઇન્ડિયાના ભૂતપૂર્વ કૅપ્ટન એમ. એસ. ધોનીએ રાંચીસ્થિત પોતાના ઘરે ડિનર માટે ભારતીય પ્લેયર્સને આમંત્રણ આપ્યું હતું. ગુરુવારે મોડી રાતે સ્ટાર બૅટર વિરાટ કોહલી, રિષભ પંત અને ઋતુરાજ ગાયકવાડ અલગ-અલગ કારમાં સ્થાનિક પોલીસની સુરક્ષા હેઠળ ધોનીના ઘરે પહોંચ્યા હતા. ડિનર બાદ ધોની પોતાની કાર ડ્રાઇવ કરીને વિરાટ કોહલીને ટીમની હોટેલ સુધી છોડવા ગયો હતો. કેટલાક ક્રેઝી ક્રિકેટ-ફૅન્સ આ સમળગાળા દરમ્યાન ધોનીના ઘરના ગેટ પર રાહ જોતા જોવા મળ્યા હતા. પોતાના ફેવરિટ ક્રિકેટસ્ટારની એક ઝલક મેળવીને ફૅન્સ ઉત્સાહિત થઈ ઊઠ્યા હતા. જ્યારે ભારતીય ટીમ ઝારખંડમાં ધોનીના શહેર રાંચીમાં આવે છે ત્યારે ધોની તેમને ઘરે લંચ કે ડિનર માટે આમંત્રણ આપે જ છે.