પ્રતીકા રાવલ-યાસ્તિકા ભાટિયાને લઈ તો લીધી, પરંતુ ફિટ નહીં થઈ તો ટીમને થશે મોટું નુકસાન

ઇન્જરીમાંથી રિકવર થઈ રહેલી ભારતની સ્ટાર ક્રિકેટર પ્રતીકા રાવલ અને યાસ્તિકા ભાટિયાને વિમેન્સ પ્રીમિયર લીગ (WPL) 2026ના ઑક્શનના અંતિમ સમયમાં ખરીદદાર મળી ગયા હતા.

પ્રતીકા રાવલ અને યાસ્તિકા ભાટિયા

ઇન્જરીમાંથી રિકવર થઈ રહેલી ભારતની સ્ટાર ક્રિકેટર પ્રતીકા રાવલ અને યાસ્તિકા ભાટિયાને વિમેન્સ પ્રીમિયર લીગ (WPL) 2026ના ઑક્શનના અંતિમ સમયમાં ખરીદદાર મળી ગયા હતા. ૫૦-૫૦ લાખ રૂપિયામાં ગુજરાત જાયન્ટ્સે યાસ્તિકા ભાટિયા અને યુપી વૉરિયર્સે પ્રતીકા રાવલને સ્ક્વૉડમાં સામેલ કરી હતી.

જો આ બન્ને પ્લેયર્સ ફુલ્લી ફિટ નહીં થાય તો તેમની ટીમને મોટું નુકસાન થઈ શકે છે. બુધવારે પ્રી-ઑક્શન બ્રીફિંગમાં સ્પષ્ટતા કરવામાં આવી હતી કે આવી ઇન્જર્ડ પ્લેયરને ઓછામાં ઓછા જરૂરી ૧૫ સભ્યોની સ્ક્વૉડનો ભાગ ગણી શકાશે નહીં. જો ટીમ તેમને ખરીદે છે તો તેમને પછીથી રિપ્લેસમેન્ટ પ્લેયર લેવાની મંજૂરી આપવામાં આવશે નહીં.