યામી ગૌતમના જન્મદિવસે પતિ આદિત્ય ધરે કરી પ્રેમભરી પોસ્ટ
યામી ગૌતમના જન્મદિવસે પતિ આદિત્ય ધરે કરી પ્રેમભરી પોસ્ટ
યામી ગૌતમની ગઈ કાલે ૩૭મી વર્ષગાંઠ હતી. એ દિવસે યામીના પતિ આદિત્ય ધરે તેને સોશ્યલ મીડિયા પર જન્મદિવસની શુભેચ્છા પાઠવી હતી અને પોતાનો પ્રેમ વ્યક્ત કર્યો હતો. આદિત્યએ સોશ્યલ મીડિયા પર યામીની કેટલીક સુંદર તસવીરો શૅર કરીને કૅપ્શન આપી હતી, ‘જન્મદિવસ મુબારક યામી. તું મારી સૌથી મનપસંદ વ્યક્તિ છે. તારી સાથે વાત કરવી, હસવું, પ્લાન કરવું અને ઘરે પાછા આવવું... આ બધું મને સૌથી વધુ આનંદ આપે છે. આટલો બધો પ્રેમ આપવા બદલ, આટલું ધ્યાન રાખવા બદલ અને હંમેશાં પોતાના જેવી રહેવા બદલ આભાર. હું ખૂબ નસીબદાર છું કે મારી જિંદગી તારી સાથે પસાર કરી શકું છું. હું તને ખૂબ પ્રેમ કરું છું.’
