બે કલાક પચીસ મિનિટની આ ફિલ્મ રોહિત શેટ્ટીના હિસાબે નાની છે
‘સૂર્યવંશી’માં ઝીરો કટ
અક્ષયકુમાર અને કૅટરિના કૈફની ‘સૂર્યવંશી’ને સેન્સર બોર્ડ દ્વારા ઝીરો કટ દ્વારા પાસ કરવામાં આવી છે. રોહિત શેટ્ટી દ્વારા ડિરેક્ટ કરવામાં આવેલી આ ફિલ્મ બે કલાક અને ૨૫ મિનિટની છે. પાંચમી નવેમ્બરે રિલીઝ થઈ રહેલી રોહિત શેટ્ટીની છેલ્લી કેટલીક ફિલ્મોની સરખામણીમાં આ ફિલ્મ નાની છે. ૨૦૧૮ની ‘સિમ્બા’ બે કલાક ૩૯ મિનિટ અને ૨૦૧૭ની ‘ગોલમાલ અગેઇન’ બે કલાક અને ૩૧ મિનિટની હતી. ૨૦૧૫ની ‘દિલવાલે’ બે કલાક અને ૩૩ મિનિટની હતી. આ તમામ ફિલ્મોની સરખામણીમાં ‘સૂર્યવંશી’નો રન-ટાઇમ ઓછો છે. સોમવારે રાતે જ સેન્સર બોર્ડ દ્વારા આ ફિલ્મને એક પણ કટ વગર પાસ કરવામાં આવી હતી. ટ્રેડ-એક્સપર્ટનું માનવું છે કે ફિલ્મ થોડી નાની હોવાથી થિયેટર્સમાં વધુ શો ચલાવી શકાશે અને બે શો વચ્ચે થિયેટર્સને સૅનિટાઇઝ કરવા માટે પણ પૂરતો સમય મળી રહેશે.
