કપિલે શોના નવા સેગમેન્ટ ‘પોસ્ટ કા પોસ્ટમોર્ટમ’માં ઐશ્વર્યા રાય બચ્ચન સાથેની મોહમ્મદ કૈફની જુની તસવીર દેખાડે છે
ફાઈલ તસવીર (તસવીર સૌજન્ય : એએફપી)
‘ધ કપિલ શર્મા શો’ અત્યારે ટીવી પર ધમાલ મચાવી રહ્યો છે અને લોકપ્રિય કૉમેડી શોમાંથી એક છે. આ શોને દર્શકોનો જબરદસ્ત પ્રતિસાદ મળી રહ્યો છે. દર અઠવાડિયે કોઈ નવા સેલેબ્સ આવે છે અને ધમાલ-મસ્તી કરે છે. શોના આ વિકએન્ડ એપિસોડમાં મહાન દિગ્ગજ ક્રિકેટરો વિરેન્દ્ર સેહવાગ (Virender Sehwag) અને મોહમ્મદ કૈફ (Mohammad Kaif) ગેસ્ટ તરીકે આવવાના છે અને તેઓ શોમાં ખુબ મસ્તી કરવાના છે.
વિરેન્દ્ર સેહવાગ અને મોહમ્મદ કૈફના એપિસોડનો પ્રોમો વીડિયો સોની એન્ટરટેઇનમેન્ટ ટેલિવિઝન ચેનલે પોતાના ઓફિશ્યલ સોશ્યલ મીડિયા હેન્ડલ પર શૅર કર્યો છે. જેમાં દેખાય છે કે, કપિલ વિરેન્દ્ર સહેવાગ અને મોહમ્મદ કૈફનું સ્વાગત કરે છે અને પુછે છે કે તમે લૉકડાઉનમાં ઘરના કોઈ કામ કર્યા છે? ત્યારે સહેવાગ હસીને જવાબ આપે છે કે, ‘યાર હું નફઝગઢનો નવાબ છું. શું હું કામ કરીશ!’
ADVERTISEMENT
આ સિઝનમાં કપિલના શોમાં એક નવું સેગમેન્ટ શરુ કરવામાં આવ્યા છું. જેનું નામ છે ‘પોસ્ટ કા પોસ્ટમોર્ટમ’. આ સેગમેન્ટમાં કપુલ ગેસ્ટ સેલેબ્ઝના સોશ્યલ મીડિયા પોસ્ટ સ્ક્રિન પર દર્શાવે છે અને તેના પર ફેન્સે કરેલી અતરંગી અને ફની કમેન્ટ્સ પણ વાંચીને સંભળાવે છે. સહેવાગ અને કૈફવાળા એપિસોડમાં પણ આ સેગમેન્ટ રાખવામાં આવ્યું હતું. જેમાં કપિલ મોહમ્મદ કૈફની ઐશ્વર્યા રાય બચ્ચન સાથેની જુની તસવીર દેખાડે છે. ફ્લાઈટમાં લેવામાં આવેલી આ તસવીરના કૅપ્શનમાં મોહમ્મદ કૈફે કૅપ્શન આપ્યું છે કે, ‘એક વડંરફુલ વ્યક્તિ સાથે ડિલાઈટફુલ કન્વર્સેશન’. જેના પર એક ફેને કમેન્ટ કરી છે જે કપિલ વાંચીને સંભળાવે છે, ‘ઐશ્વર્યા રાયજી ધ્યાન રાખજો...તેઓ ફિલ્ડિંગમાં બહુ જ સારા છે’. આ સાંભળીને કૈફ શરમાઈ જાય છે અને ખડખડાટ હસી પડે છે.
. @KapilSharmaK9 @apshaha @Krushna_KAS @bharti_lalli @kikusharda @Sudesh_Lehri @haanjichandan @Sumona24 @RochelleMRao #TKSS https://t.co/yVs53EaMWP
— sonytv (@SonyTV) September 24, 2021
તે સિવાય આ એપિસોડમાં કપિલ શર્મા મોહમ્મદ કૈફને તેના લગ્નજીવન વિશે પણ પ્રશ્નો કરે છે. કપિલ પુછે છે કે, બહાર ફિલ્ડિંગ કરવાનો ટાઈમ ક્યારે મળી જાય છે તમને? તમે ફિલ્ડર બહુ સારા છો એટલે પુછું છું.
શોનો પ્રોમો જોઈને કહી શકાય છે કે, આ અઠવાડિયે ‘ધ કપિલ શર્મા શો’માં ખુબ મજા આવશે.
