° °

આજનું ઇ-પેપર
Thursday, 02 December, 2021


ડિજિટલ પ્લૅટફૉર્મ પર ફ‍ળી મહેનત

01 October, 2021 11:50 AM IST | Mumbai | Gujarati Mid-day Correspondent

આવું કીર્તિ કુલ્હારી માને છે કારણ કે એ પહેલાં તેણે કરેલાં કામની ખાસ કોઈ નોંધ નહોતી લેવાઈ

કીર્તિ કુલ્હારી

કીર્તિ કુલ્હારી

કીર્તિ કુલ્હારીનું કહેવું છે કે ડિજિટલ પ્લૅટફૉર્મ જ્યાં સુધી નહોતું આવ્યું ત્યાં સુધી તેના સખત પરિશ્રમની કદી પણ નોંધ નહોતી લેવાઈ. ડિજિટલ પ્લૅટફૉર્મના માધ્યમથી નવી ટૅલન્ટને પોતાનો હુન્નર દેખાડવાનું એક મંચ મળે છે. કીર્તિએ ‘ફોર મોર શૉટ્સ પ્લીઝ’ અને ‘ક્રિમિનલ જસ્ટિસ : બિહાઇન્ડ ક્લોઝ્ડ ડોર્સ’ જેવી વેબ-સિરીઝમાં કામ કર્યું હતું. ડિજિટલ પ્લૅટફૉર્મની પ્રશંસા કરતાં કીર્તિએ કહ્યું હતું કે ‘ડિજિટલ પ્લૅટફૉર્મ જ્યાં સુધી નહોતું આવ્યું ત્યાં સુધી મારી મહેનતને એક ઓળખ નહોતી મળી. હું આજે આ સ્થાને આવીને ખુશ છું કે જ્યાં અનેક નવા ચહેરાઓ, નવી ટૅલન્ટ ઇન્ડસ્ટ્રીમાં પ્રવેશ કરી રહ્યાં છે. ન માત્ર ઍક્ટર્સ પરંતુ ડિરેક્ટર્સ, DOPs અને રાઇટર્સને પણ એક મંચ મળે છે.’

૨૦૧૬માં આવેલી ‘પિન્ક’માં પણ તેણે કામ કર્યું હતું. લેહ-લદાખમાં ‘હિમાલય ફિલ્મ ફેસ્ટિવલ’નું આયોજન કરવામાં આવ્યું હતું. એ દરમ્યાન પોતાની જર્ની વિશે જણાવતાં કીર્તિએ કહ્યું હતું કે ‘સમાજમાં પરિવર્તન લાવવા માટે સિનેમા એક સશક્ત માધ્યમ છે. આ જ કારણ છે કે હું જે કરી રહી છું એના દ્વારા એક ઍક્ટર તરીકે હું પરિવર્તન લાવવાની ઇચ્છા રાખું છું. અનેક મુદ્દાઓ પર ચર્ચા કરવાની જરૂર છે. મારા કામમાં એવા અનેક વિષયો પર પ્રકાશ નાખવામાં આવ્યો છે જેના પર કદી ચર્ચા નથી થઈ કાં તો કદી એના પર ધ્યાન નથી આપવામાં આવ્યું. ઉદાહરણ તરીકે ‘પિન્ક’ની વાત કરીએ તો મેં જ્યારે આ ફિલ્મ કરી તો હું જાણતી હતી કે એની અસર કેવી પડશે. અમને લાગતું હતું કે આ ફિલ્મને જોઈને માત્ર ૧૦ લોકો પણ એના વિશે વિચારે તો અમે જીતી ગયા સમજો. દરેક વ્યક્તિના વિચાર અગત્યના છે.’

01 October, 2021 11:50 AM IST | Mumbai | Gujarati Mid-day Correspondent

અન્ય લેખો

વેબ સિરીઝ

આફત-એ-ઇશ્કઃ ડાયરેક્ટર ઇન્દ્રજીત નટ્ટોજીની સિનેમા આર્ટના માસ્ટર ક્લાસ સમી ફિલ્મ

આ ફિલ્મના ડાયરેક્શન, સિનેમેટોગ્રાફી, સેટ-અપ તથા અન્ય ડિઝાઇનિંગમાં કળાની હાજરી કેટલી હદે અને કેવી રીતે વર્તાય છે તેમાં મેજિક રિયાલિઝમ કેવી રીતે ઉમેરાયું છે તેની વાત કરવી અનિવાર્ય છે

27 November, 2021 12:29 IST | Mumbai | Chirantana Bhatt
વેબ સિરીઝ

ક્રાઈમ થ્રિલર `અરણ્યક` નું ટ્રેલર રિલીઝ, જુઓ ઝાંબાઝ પોલીસ ઓફિસરમાં રવીનાનો અવતાર

અભિનેત્રી રવીના ટંડન નેટફ્લિક્સની આગામી ક્રાઈમ થ્રિલર `અરણ્યક` સાથે ડિઝિટલ ડેબ્યુ કરવા માટે પુરી તૈયાર છે.

23 November, 2021 03:57 IST | mumbai | Gujarati Mid-day Online Correspondent
વેબ સિરીઝ

રોમૅન્ટિક-કૉમેડી લઈને આવશે છ ફિલ્મમેકર્સ

અમેરિકન ઍન્થોલૉજી ‘મૉડર્ન લવ’ની હિન્દી રીમેક ઍમેઝૉન પ્રાઇમ વિડિયો માટે બનાવવામાં આવશે

21 November, 2021 05:25 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK