સિમ્બા જોઈ કે નહીં? ફિલ્મ નહીં, આપણે અહીં રેસ્ટોરાંની વાત કરી રહ્યા છીએ

મલાડમાં આવેલી સિમ્બા સેઠ રેસ્ટોરાંનું નામ એના ઓનરે પોતાના પેટ ડૉગના નામ પરથી રાખ્યું છે, જ્યાં આ ડૉગ આવનારા કસ્ટમર્સનું સ્વાગત કરે છે

અહીં નૉર્થ ઇન્ડિયન ફૂડ મળે છે

ડૉગ-લવર્સ તો ઘણા હોય છે જેઓ ડૉગ માટે અને ખાસ કરીને પોતાના પેટ ડૉગ માટે ઘણુંબધું કરી છૂટે છે. જોકે અમુક એવા પણ લવર્સ હોય છે જેઓ પોતાના ડૉગ માટે જ નહીં, અન્ય સ્ટ્રીટ-ડૉગ માટે પણ કંઈક ને કંઈક કરતા હોય છે. એમાંનું એક મલાડનું તિવારી દંપતી છે જેણે પોતાના પેટ ડૉગ સિમ્બાના નામે એક રેસ્ટોરાં શરૂ કરી છે એટલું જ નહીં; રેસ્ટોરાંમાં થતા નફાનો એક હિસ્સો તેઓ સ્ટ્રીટ-ડૉગ્સની સારવાર, ખોરાક અને દેખરેખ રાખવા પાછળ ખર્ચે છે.

મલાડ-વેસ્ટમાં થોડા દિવસ પહેલાં જ ‘સિમ્બા સેઠ’ નામની એક રેસ્ટોરાં શરૂ કરવામાં આવી છે. આ રેસ્ટોરાં અહીંથી પસાર થતા લોકોની નજરમાંથી છૂટી શકે એવી નથી. રેસ્ટોરાંની બહાર પેટ ડૉગનો ફોટો મૂકવામાં આવ્યો છે જે રેસ્ટોરાંનો લોગો છે અને એની નીચે સિમ્બા સેઠ નામ લખવામાં આવ્યું છે. રેસ્ટોરાંમાં પ્રવેશતાંની સાથે જ દરવાજા પર તેમનો પેટ ડૉગ બેસેલો મળશે જે આવનારા દરેક ગેસ્ટને ભેટીને તેને વેલકમ કરે છે. ખૂબ જ યુનિક કન્સેપ્ટ તો છે જ, સાથે એમાં સામાજિક સેવા પણ સંકળાયેલી છે. લોકો અહીં ખાવા તો આવે જ છે, સાથે રસ્તેથી પસાર થતા લોકો પણ સિમ્બા સાથે ફોટો પડાવીને જાય છે.

ADVERTISEMENT

હવે અહીંના ફૂડની વાત કરીએ તો અહીં નૉર્થ ઇન્ડિયન ફૂડ મળે છે. એમાં છોલે-ભટૂરે, સમોસાચાટ, રગડા-પૅટીસ, ચિલી પનીર વગેરે. નૉર્થ ઇન્ડિયન ચાટ અહીં તમને અસલ્લ દિલ્હી સ્ટાઇલની મળશે. એટલું જ નહીં, અહીં અલગ-અલગ પ્રકારની ચા પણ મળે છે જેમ કે હાજમોલા ચા, રોઝ ચા, લેમન ચા વગેરે.

ક્યાં આવેલી છે? : સિમ્બા શેઠ, વૃંદાવન બિલ્ડિંગ, એવરશાઇનનગર, મલાડ-ઈસ્ટ