° °

આજનું ઇ-પેપર
Friday, 25 June, 2021


ગંગાની જેમ હવે નર્મદા મૈયાની પણ સામૂહિક આરતી ઉતારાશે

09 June, 2021 02:23 PM IST | Ahmedabad | Shailesh Nayak

સ્ટેચ્યુ ઑફ યુનિટી ખાતે વડા પ્રધાન મોદીનો વધુ એક ડ્રીમ પ્રોજેક્ટ સાકાર થશે

નર્મદા મૈયાની આરતી ઉતારવા માટે બની રહેલો નર્મદા નદી પરનો ઘાટ. અહીંથી સહેલાણીઓને સરદાર વલ્લભભાઈ પટેલની સ્ટેચ્યુ ઑફ યુનિટીની પ્રતિમાની ઝાંખી થશે.

નર્મદા મૈયાની આરતી ઉતારવા માટે બની રહેલો નર્મદા નદી પરનો ઘાટ. અહીંથી સહેલાણીઓને સરદાર વલ્લભભાઈ પટેલની સ્ટેચ્યુ ઑફ યુનિટીની પ્રતિમાની ઝાંખી થશે.

દેશ અને દુનિયામાં આગવી ઓળખ ઊભી કરનાર સ્ટેચ્યુ ઑફ યુનિટી ખાતે હવે ગંગા મૈયાની જેમ નર્મદા મૈયાની સામૂહિક સાંધ્ય આરતીનો આધ્યાત્મિક દિવ્યદર્શનનો અનેરો લહાવો ટૂંક સમયમાં સહેલાણીઓને મળશે. નર્મદા નદીની રોજેરોજ આરતી ઉતારીને તેમની પૂજા-અર્ચના કરવા માટેનો પ્રોજેક્ટ તેના અંતિમ ચરણમાં છે.

સ્ટેચ્યુ ઑફ યુનિટી ખાતે એક પછી એક આકર્ષણનો ઉમેરો થતો જઈ રહ્યો છે ત્યારે વડા પ્રધાન નરેન્દ્ર મોદીનો વધુ એક ડ્રીમ પ્રોજેક્ટ સાકાર થવા તરફ આગળ વધી રહ્યો છે. ભારતમાં નદીઓની આરતી ઉતારીને તેના ગુણગાન ગાવાનો મહિમા છે અને હરિદ્વાર, વારાણસી સહિતનાં સ્થળોએ ગંગા મૈયાની આરતી થાય છે અને તેમાં શ્રદ્ધાળુઓ સામેલ થાય છે. આવી રીતે ગુજરાતમાં નર્મદા મૈયાની આરતી થાય અને પ્રવાસીઓ પણ તેમાં જોડાય તેવા શુભત્વ સાથે પ્રોજેક્ટ આગળ વધી રહ્યો છે. આ પ્રોજેક્ટ પૂરો થશે ત્યારે ગુજરાતમાં આવું પહેલી વાર બનશે કે જેમાં નર્મદા નદીની રોજેરોજ સામૂહિક સાંધ્ય આરતી ઉતારવામાં આવશે.

સ્ટેચ્યુ ઑફ યુનિટીના સૂત્રોએ ‘મિડ-ડે’ને કહ્યું હતું કે ‘નર્મદા નદીની રોજ આરતી યોજાય તે માટે કેવડિયા સામે ગોરા ગામ પાસે ડૂબાડૂબ બ્રિજ નજીક નર્મદા ઘાટ બની રહ્યો છે. આ નર્મદા ઘાટ હવે પૂર્ણતાના આરે છે. અંદાજે ૬૦થી ૭૦ મીટર લાંબો આ ઘાટ બનશે. આ ઘાટ પર નર્મદા નદીનાં ખળ-ખળ વહેતાં પાણીની સાથે રોજ સાંજે વિધિવિધાન સાથે મા નર્મદાની સામૂહિક આરતી ઉતારવામાં આવશે.’ 

09 June, 2021 02:23 PM IST | Ahmedabad | Shailesh Nayak

અન્ય લેખો

ગુજરાત સમાચાર

અમદાવાદમાં જળયાત્રા યોજાઈ

જગન્નાથજી મંદિરથી કોરોનાની ગાઇડલાઇન સાથે રંગેચંગે યોજાઈ હતી

25 June, 2021 01:33 IST | Ahmedabad | Gujarati Mid-day Correspondent
ગુજરાત સમાચાર

ગુજરાતનાં ૩૦ જૂન સુધીમાં વ્યાવસાયિક પ્રવૃત્તિ કરનારાઓ માટે વૅક્સિન ફરજિયાત

મુખ્ય પ્રધાન વિજય રૂપાણીના અધ્યક્ષસ્થાને ગઈ કાલે મળેલી કોર કમિટીમાં રાહત આપતાં નિર્ણય લેવામાં આવ્યા છે

25 June, 2021 11:51 IST | Ahmedabad | Gujarati Mid-day Correspondent
ગુજરાત સમાચાર

ઈલેકટ્રોનિક વાહનો ખરીદવા ગુજરાત સરકાર આપશે આટલી રકમની સબસીડી

ઈલેકટ્રોનિક વાહનો ખરીદનાર માટે ગુજરાત સરકારે એક મોટી જાહેરાત કરી છે.

22 June, 2021 07:24 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK