° °

આજનું ઇ-પેપર
Saturday, 25 September, 2021


વુહાનમાં કોવિડનું કમબૅક

04 August, 2021 08:54 AM IST | Wuhan | Gujarati Mid-day Correspondent

એક વર્ષે કોરોનાનો નવો કેસ મળતાં તમામ નાગરિકોની કોવિડ-ટેસ્ટનો સરકારનો આદેશ

વુહાનમાં ગઈ કાલે નાગરિકોની ન્યુક્લેઇક એસિડ ટેસ્ટની ઝુંબેશને ઝડપી અને વ્યાપક બનાવવામાં આવી હતી. થોડા જ દિવસમાં શહેરના તમામ ૧.૧૦ કરોડ લોકોની આવી ટેસ્ટ કરાવવાની સરકારની યોજના છે (તસવીરઃ એ.એફ.પી.)

વુહાનમાં ગઈ કાલે નાગરિકોની ન્યુક્લેઇક એસિડ ટેસ્ટની ઝુંબેશને ઝડપી અને વ્યાપક બનાવવામાં આવી હતી. થોડા જ દિવસમાં શહેરના તમામ ૧.૧૦ કરોડ લોકોની આવી ટેસ્ટ કરાવવાની સરકારની યોજના છે (તસવીરઃ એ.એફ.પી.)

વર્ષ ૨૦૧૯ના અંત ભાગમાં ચીનના વુહાન શહેરમાં રહસ્યમય સંજોગોમાં ઘાતક કોરોના વાઇરસનો પહેલો કેસ નોંધાયો ત્યાર બાદ આખા વિશ્વમાં હાહાકાર મચી ગયો એ પછી હવે એ જ વુહાનમાં એક વર્ષ સુધી કોવિડનો એકેય કેસ ન નોંધાયા પછી હવે ગઈ કાલે મળેલા અહેવાલ મુજબ આ જીવલેણ વિષાણુનો ફરીવાર એક કેસ મળતાં સરકારે આખા શહેરના તમામ નાગરિકોની કોવિડ-ટેસ્ટ (ન્યુક્લેઇક એસિડ ટેસ્ટ) કરાવવાનો આદેશ બહાર પાડ્યો છે.વુહાન શહેરની વસતી ૧.૧૦ કરોડની છે.

વિશ્વભરમાં બદનામ થઈ ચૂકેલા ચીનની મધ્યમાં આવેલા વુહાન શહેરમાં સાત પરપ્રાંતીય મજૂરોના તેમ જ બીજા કેટલાક સ્થાનિક લોકોના કોરોના સંક્રમણના કિસ્સા બહાર આવ્યા છે જેને પગલે તંત્ર સફાળું જાગી ગયું હોવાનું કેટલાક અહેવાલોમાં જણાવાયું હતું.

એક વર્ષ પહેલાં ચીને જાહેરાત કરી હતી કે એણે કોરોના વાઇરસ પર સંપૂર્ણપણે અંકુશ પ્રાપ્ત કરી લીધો છે.

હવે સંક્રમણના નવા કેસ બહાર આવતાં ચીને વુહાનમાં બધાને પોતાના ઘરમાં બંધ રહેવાનો આદેશ આપ્યો છે, સ્થાનિક વાહનવ્યવહાર સદંતર બંધ કરાયો છે અને સામૂહિક ટેસ્ટિંગ માટેની ઝુંબેશ શરૂ કરી છે.

ચીનમાં (આખા દેશમાં) રવિવારે કોરોનાના નવા ૯૮ અને સોમવારે નવા ૯૦ કેસ નોંધાયા હતા.

ડેલ્ટા વેરિઅન્ટથી ફફડી ઊઠ્યું ચીન : લોકોને કહ્યું, ઘરની બહાર ના નીકળતા

ચીનમાં વુહાન ઉપરાંત અન્ય ભાગોમાં પણ કોરોનાના કેસ જોવા મળતા લોકોને ઘરમાં જ રહેવા અને પ્રવાસ ના કરવા કહેવામાં આવી રહ્યું છે. તાજેતરમાં જ નાનજિંગ અૅરપોર્ટના સફાઈ કામદારોમાં નવા વેરિઅન્ટનો ચેપ જોવા મળ્યો હતો અને હવે આખા ચીનમાં આ પ્રકારના કેસ જોવા મળી રહ્યા છે.

બીજિંગ સહિતનાં શહેરોમાં દરદીના સંપર્કમાં આવેલા લોકોને ક્વૉરન્ટીન કરવામાં આવી રહ્યા છે. એક ઘરમાંથી માત્ર એક જ વ્યક્તિને માટે બહાર નીકળવાની છૂટ છે.

04 August, 2021 08:54 AM IST | Wuhan | Gujarati Mid-day Correspondent

અન્ય લેખો

ઈન્ટરનેશનલ સમાચાર

ચોક્કસ પ્રકારના દરદીઓ માટે ઍન્ટિબૉડી સારવારની ડબ્લ્યુએચઓની ભલામણ

બીજા રોગીઓમાં ગંભીર કોવિડવાળા સેરોનેગેટિવ પેશન્ટ છે, જેમણે કોવિડ માટે ઍન્ટિબૉડી રિસ્પૉન્સ નથી આપ્યો

25 September, 2021 11:19 IST | Geneva | Gujarati Mid-day Correspondent
ઈન્ટરનેશનલ સમાચાર

મોદીએ કમલા હેરિસના વખાણ કર્યા, કહ્યું ઉપરાષ્ટ્રપતિ તરીકે તમારી પસંદગી ઐતિહાસિક

આ સાથે જ પીએમ મોદી સાથેની મુલાકાત દરમિયાન અમેરિકાના ઉપરાષ્ટ્રપતિ કમલા હેરિસે પાકિસ્તાના આતંકવાદનો મુદ્દો પણ ઉઠાવ્યો હતો.

24 September, 2021 02:35 IST | Washington | Gujarati Mid-day Online Correspondent
ઈન્ટરનેશનલ સમાચાર

ઢીલું માસ્ક પહેરનાર આસાનીથી સંક્રમિત થઈ શકે

હવા દ્વારા વાઇરસ ઝડપથી ફેલાઈ રહ્યો હોવાથી વ્યવસ્થિત ફિટિંગવાળું માસ્ક પહેરવું અત્યંત જરૂરી છે એવું અમેરિકન યુનિવર્સિટીનો અભ્યાસ કહે છે

21 September, 2021 10:01 IST | New York | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK