ઇમરાન ખાનની બહેન અલીમા ખાનની જેલ પ્રશાસનને ચેતવણી
ઇમરાન ખાનની બહેન અલીમા ખાન
પાકિસ્તાનના ભૂતપૂર્વ વડા પ્રધાન ઇમરાન ખાનની બહેન અલીમા ખાને તેમના ભાઈની સુરક્ષા અંગે જેલના પ્રશાસનને કડક ચેતવણી આપી છે. છ અઠવાડિયાં સુધી ઇમરાન ખાનના પરિવારને જેલમાં પ્રવેશ આપવામાં આવ્યો નથી એટલે અલીમા ખાને જેલના અધિકારીઓને ચેતવણી આપતાં કહ્યું હતું કે જો ઇમરાન ખાનના માથાના એક વાળને પણ નુકસાન થશે તો તેમાંથી કોઈને પણ છોડવામાં આવશે નહીં.
છ અઠવાડિયાં માટે ઇમરાન માટે પરિવારનો પ્રવેશ બંધ કરવામાં આવ્યો છે, જેના કારણે તેમણે ઇસ્લામાબાદ હાઈ કોર્ટમાં અવમાનનાની અરજી દાખલ કરી છે. ઇમરાન ખાનના નાદુરસ્ત સ્વાસ્થ્ય અને મૃત્યુની અફવાઓ ઑનલાઅન ફેલાઈ હતી. જોકે જેલના અધિકારીઓએ જણાવ્યું હતું કે તે સ્વસ્થ છે.
