છ મહિનામાં થઈ શકે છે મુંબઈની પહેલી પૉડ ટૅક્સી-સર્વિસનું ભૂમિપૂજન

આ પહેલાં મુખ્ય પ્રધાન દેવેન્દ્ર ફડણવીસ પણ પૉડ ટેક્સી-સર્વિસ શરૂ કરવાની જાહેરાત કરી ચૂક્યા છે

ફાઇલ તસવીર

મહારાષ્ટ્રના ટ્રાન્સપોર્ટ-મિનિસ્ટર પ્રતાપ સરનાઈકે ગઈ કાલે જાહેરાત કરી હતી કે પૉડ ટૅક્સી-સર્વિસ માટે આવનારા છ મહિનામાં ભૂમિપૂજન કરવામાં આવશે. થાણે, મીરા-ભાઈંદર અને નવી મુંબઈને જોડવા માટે પ્રથમ પૉડ ટૅક્સી નેટવર્ક શરૂ કરવામાં આવશે એવું તેમણે જણાવ્યું હતું. આ પહેલાં મુખ્ય પ્રધાન દેવેન્દ્ર ફડણવીસ પણ પૉડ ટેક્સી-સર્વિસ શરૂ કરવાની જાહેરાત કરી ચૂક્યા છે.

શું છે પૉડ ટૅક્સી?

ADVERTISEMENT

પૉડ ટૅક્સી જૂના જમાનાની ટ્રામની જેમ ડેડિકેટેડ ટ્રૅક્સ પર દોડે છે, પણ મોટો ફરક એ છે કે પૉડ ટૅક્સી જ્યારે જોઈએ ત્યારે ઑન ડિમાન્ડ અને પૉઇન્ટ ટુ પૉઇન્ટ ટ્રાન્સપોર્ટ સર્વિસ આપે છે. આ આધુનિક પૉડ ટૅક્સી ઇલેક્ટ્રિક અને ડ્રાઇવરલેસ હશે.