રાજ્ય સરકારને આ રીતે કાઢવામાં આવેલા બર્થ અને ડેથ-સર્ટિફિકેટનો ઉપયોગ ગેરકાયદે કામ કરવામાં થતો હોવાનું જણાઈ આવતાં એણે નિર્ણય લીધો હતો
રેવન્યુ મિનિસ્ટર ચંદ્રશેખર બાવનકુળે
રાજ્ય સરકારના રેવન્યુ ડિપાર્ટમેન્ટે એક મહત્ત્વનો નિર્ણય લીધો છે. મહારાષ્ટ્રમાં હવે પાછળથી કઢાવવામાં આવતાં બર્થ-સર્ટિફિકેટ માટે આધાર કાર્ડને માન્ય નહીં ગણવામાં આવે. એટલું જ નહીં, બર્થ ઍન્ડ ડેથ રજિસ્ટ્રેશન (અમેન્ડમેન્ટ) ઍક્ટ ૨૦૨૩ પછી ફક્ત આધાર કાર્ડના આધારે કાઢવામાં આવેલાં બધાં જ બર્થ-સર્ટિફિકેટ પણ કૅન્સલ ગણવામાં આવે એમ રેવન્યુ ડિપાર્ટમેન્ટે એની બહાર પાડવામાં આવેલી નોટિસમાં જણાવ્યું છે.
રાજ્ય સરકારને આ રીતે કાઢવામાં આવેલા બર્થ અને ડેથ-સર્ટિફિકેટનો ઉપયોગ ગેરકાયદે કામ કરવામાં થતો હોવાનું જણાઈ આવતાં એણે નિર્ણય લીધો હતો. આધાર કાર્ડનો ઉપયોગ કરીને કઢાવવામાં આવેલાં એવાં બધાં જ શંકાસ્પદ સર્ટિફિકેટ કૅન્સલ કરવાનો આદેશ રેવન્યુ મિનિસ્ટર ચંદ્રશેખર બાવનકુળેએ આપ્યો છે. એટલું જ નહીં, આ સર્ટિફિકેટ ઇશ્યુ કરનાર અધિકારીઓ સામે પણ પગલાં લેવાની સૂચનાઓ તેમણે આપી છે. બર્થ ઍન્ડ ડેથ રજિસ્ટ્રેશન (અમેન્ડમેન્ટ) ઍક્ટ ૨૦૨૩માં કરાયેલો સુધારો પાછો ખેંચવામાં આવે અને એ કૉમ્પીટન્ટ ઑથોરિટી અથવા કલેક્ટર દ્વારા વિવિધ સ્તરે ચેક પણ કરવામાં આવે એવા આદેશ રેવન્યુ ડિપાર્ટમેન્ટે આપ્યા છે.
