સિનિયર ઇન્સ્પેક્ટર જયરાજ છપારિયા અને કૉન્સ્ટેબલ ઇકબાલ શેખની પ્રિવેન્શન ઑફ કરપ્શન ઍક્ટ હેઠળ ધરપકડ કરાઈ હોવાનું એસીબીએ યાદીમાં જણાવ્યું હતું.
પ્રતીકાત્મક તસવીર
નવી મુંબઈના બે પોલીસ અધિકારીઓને થાણેના ઍન્ટિ-કરપ્શન બ્યુરો (એસીબી)એ ગુરુવારે લાંચ કેસમાં ઝડપ્યા હતા. સિનિયર ઇન્સ્પેક્ટર જયરાજ છપારિયા અને કૉન્સ્ટેબલ ઇકબાલ શેખની પ્રિવેન્શન ઑફ કરપ્શન ઍક્ટ હેઠળ ધરપકડ કરાઈ હોવાનું એસીબીએ યાદીમાં જણાવ્યું હતું.
ઇકબાલ શેખે એક વ્યક્તિને પાનમસાલાનો તેનો વ્યવસાય ચાલુ રાખવાની પરવાનગી આપવા માટે ૪૫,૦૦૦ રૂપિયાની માગણી કરી હતી. ૨૦,૦૦૦ રૂપિયા મેળવ્યા બાદ તેણે સિનિયર અધિકારીઓ માટે ૨૫,૦૦૦ રૂપિયા સહિત બીજા ૩૨,૫૦૦ રૂપિયા માગ્યા હતા. તે વ્યક્તિએ ફરિયાદ નોંધાવતાં થાણે એસીબીએ છટકું ગોઠવીને ઇકબાલ શેખને લાંચ લેતાં ઝડપી લીધો હતો. ઉશ્કેરણી કરવા બદલ ઇન્સ્પેક્ટર જયરાજ છપારિયાની ધરપકડ કરાઈ હતી. આ અંગે વધુ તપાસ હાથ ધરાઈ છે.