ભૂતપૂર્વ કૉર્પોરેટર, મ્યુનિસિપલ કમિશનર સહિત સાત અધિકારીઓ સામે કેસ
વસઈ પોલીસ-સ્ટેશનની જમીન પર બનાવવામાં આવેલો ડામરનો રસ્તો
વસઈ પોલીસ-સ્ટેશનની જમીન પચાવી પાડવાના કેસમાં વસઈ-વિરાર મ્યુનિસિપલ કૉર્પોરેશનના ભૂતપૂર્વ કૉર્પોરેટર જમીલ શેખ, ભૂતપૂર્વ મ્યુનિસિપલ કમિશનર, ભૂતપૂર્વ અસિસ્ટન્ટ કમિશનર, ટાઉન-પ્લાનિંગના ડેપ્યુટી ડિરેક્ટર, એક આર્કિટેક્ટ અને આર્કિયોલૉજી ડિપાર્ટમેન્ટના સુપરિન્ટેન્ડેન્ટ સામે કેસ નોંધવામાં આવ્યાે હતો.
વસઈ પોલીસ-સ્ટેશનની માલિકીની જમીન પર કથિત રીતે અતિક્રમણ કરવામાં આવ્યું હતું અને એ જમીનનો કબજો પ્રાઇવેટ પ્રોજેક્ટને રસ્તો પૂરો પાડવા માટે આપી દેવામાં આવ્યો હતો. આ પ્રોજેક્ટ ભૂતપૂર્વ કૉર્પોરેટર જમીલ શેખનો હોવાનું જાણવા મળ્યું હતું. પોલીસ-સ્ટેશનની માલિકીની જમીન પર ડામરનો રસ્તો બનાવી દેવામાં આવ્યો હતો એટલું જ નહીં, એ રસ્તાને લીગલ બતાવવા માટે ગેરકાયદે બનાવટી દસ્તાવેજોથી એને ડેવલપમેન્ટ પ્લાનના રસ્તા તરીકે રજૂ કરવામાં આવ્યો હતો.
