૪૨ વર્ષમાં આ પાંચમી વખત નગરમાં બરફ જોવા મળ્યો છે
Offbeat
સહરાના રણપ્રદેશમાં બરફની ટેકરીઓ
વિશ્વના સૌથી મોટા રણ વિસ્તાર સહરામાં તાપમાન ફ્રીઝિંગ લેવલથી નીચું જતાં આખા રણપ્રદેશ પર બરફની ચાદર બિછાઈ હોય એવું દૃશ્ય સરજાયું હતું.
ફોટોગ્રાફર કરીમ બુચેતાએ નૉર્થ વેસ્ટર્ન અલ્જિરિયાના આઇન સેફ્રા શહેરમાં બરફ તથા બરફની અદ્ભુત તસવીરો લીધી હતી. અચાનક ઘટી ગયેલા તાપમાનને કારણે બરફની અદ્ભુત પૅટર્ન બની હતી. ૧૯૭૯, ૨૦૧૬, ૨૦૧૮ અને ૨૦૨૧માં પણ આ જ પ્રકારની બનેલી ઘટનાઓ સાથે ૪૨ વર્ષમાં આ પાંચમી વખત નગરમાં બરફ જોવા મળ્યો છે.
ધ ગેટવે ટુ ધ ડેઝર્ટ તરીકે ઓળખાતું સેફ્રા દરિયાની સપાટીથી લગભગ ૩૦૦૦ ફીટ ઉપર ઍટલસ પર્વતોથી ઘેરાયેલું છે.
સહારા રણ ઉત્તર આફ્રિકાના મોટા ભાગને આવરી લે છે અને છેલ્લાં કેટલાંક લાખ વર્ષોમાં એમાં તાપમાન અને ભેજમાં અસંખ્ય પરિવર્તનો થયાં છે. જે સહારા આજે ખૂબ જ શુષ્ક છે એ લગભગ ૧૫,૦૦૦ વર્ષોમાં ફરીથી લીલોતરી થવાની ધારણા છે. સહરાના તાજેતરના આ ફોટોગ્રાફ્સ સોશ્યલ મીડિયા પર વાઇરલ થયા છે.