૨૦૨૨ અને ૨૦૨૩ની સિરીઝ-જીત બાદ ભારત પાસે છે હૅટ-ટ્રિક વિજયની તક, ૧૪ વન-ડે સિરીઝના ઇતિહાસમાં ભારત ૭ અને સાઉથ આફ્રિકા ૬ સિરીઝ જીત્યું છે.
ગૌતમ ગંભીર ઓપનર યશસ્વી જાયસવાલ અને રવીન્દ્ર જાડેજા
ભારત અને સાઉથ આફ્રિકા વચ્ચે આવતી કાલે ૩ નવેમ્બરથી ૩ મૅચની વન-ડે સિરીઝ શરૂ થશે. બે મૅચની ટેસ્ટ-સિરીઝમાં ૦-૨થી શરમજનક વાઇટવૉશનો સામનો કરનાર ભારત ઘરઆંગણે પોતાનું આત્મસન્માન પાછું મેળવવાનો પ્રયાસ કરશે. આ વન-ડે સિરીઝમાં સાઉથ આફ્રિકાનું નેતૃત્વ ટેમ્બા બવુમા કરશે અને ભારતીય ટીમ કે. એલ. રાહુલની કૅપ્ટન્સીમાં મેદાન પર ઊતરશે.
બન્ને ટીમ વચ્ચે ૧૯૯૧થી ૨૦૨૩ વચ્ચે ૧૪ વન-ડે સિરીઝ રમાઈ છે. ભારતે ૭ અને સાઉથ આફ્રિકાએ ૬ સિરીઝ જીતી છે જ્યારે ૨૦૦૫ની સિરીઝ ડ્રૉ રહી હતી. સાઉથ આફ્રિકાએ ભારતમાં ૬ દ્વિપક્ષીય વન-ડે સિરીઝ રમી છે જેમાં આફ્રિકન ટીમને ૧૦ વર્ષ પહેલાં ઑક્ટોબર ૨૦૧૫માં જ પાંચ મૅચની સિરીઝમાં ૩-૧થી જીત મળી હતી. ૪ સિરીઝ ભારતે જીતી અને એક સિરીઝ ડ્રૉ રહી હતી. ૨૦૨૨ અને ૨૦૨૩ની સિરીઝ-જીત બાદ ભારત પાસે આ હરીફ ટીમ સામે હૅટ-ટ્રિક સિરીઝ-વિજયની તક છે.
સાઉથ આફ્રિકા સામે ટેસ્ટ-સિરીઝ ખૂબ જ ખરાબ રીતે હારી ગયા બાદ ગઈ કાલે પ્રૅક્ટિસ દરમ્યાન ભારતનો હેડ કોચ ગૌતમ ગંભીર ઓપનર યશસ્વી જાયસવાલ અને રવીન્દ્ર જાડેજા સાથે વાતચીત વખતે ખુશમિજાજ જોવા મળ્યો હતો.
વન-ડેનો હેડ-ટુ-હેડ રેકૉર્ડ
કુલ મૅચ- ૯૪
સાઉથ આફ્રિકાની જીત- ૫૧
ભારતની જીત- ૪૦
નો-રિઝલ્ટ- ૩
