Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > આયુષ મ્હાત્રેએ T20 કરીઅરની પહેલી સદી ૪૯ બૉલમાં ફટકારી

આયુષ મ્હાત્રેએ T20 કરીઅરની પહેલી સદી ૪૯ બૉલમાં ફટકારી

Published : 29 November, 2025 12:15 PM | Modified : 29 November, 2025 01:40 PM | IST | Mumbai
Gujarati Mid-day Correspondent | feedbackgmd@mid-day.com

T20 ફૉર્મેટની સૈયદ મુશ્તાક અલી ટ્રોફીમાં મુંબઈએ સતત બીજી જીત નોંધાવી છે. મુંબઈએ રેલવે અને વિદર્ભ બન્ને સામે ૭-૭ વિકેટની જીત નોંધાવી છે. લખનઉમાં ગઈ કાલે વિદર્ભે ૯ વિકેટ ગુમાવીને ૧૯૨ રન કર્યા હતા.

આયુષ મ્હાત્રેએ T20 કરીઅરની પહેલી સદી ૪૯ બૉલમાં ફટકારી

આયુષ મ્હાત્રેએ T20 કરીઅરની પહેલી સદી ૪૯ બૉલમાં ફટકારી


T20 ફૉર્મેટની સૈયદ મુશ્તાક અલી ટ્રોફીમાં મુંબઈએ સતત બીજી જીત નોંધાવી છે. મુંબઈએ રેલવે અને વિદર્ભ બન્ને સામે ૭-૭ વિકેટની જીત નોંધાવી છે. લખનઉમાં ગઈ કાલે વિદર્ભે ૯ વિકેટ ગુમાવીને ૧૯૨ રન કર્યા હતા. ઓપનર આયુષ મ્હાત્રેના ૫૩ બૉલમાં ૧૧૦ રનની ઇનિંગ્સના આધારે મુંબઈએ ૧૭.૫ ઓવરમાં ૩ વિકેટે ૧૯૪ રન કરીને ટાર્ગેટ ચેઝ કર્યો હતો.

વિદર્ભે ઓપનર્સ અથર્વ તાયડેના ૬૪ રન અમે અમન મોખાડેના ૬૧ રનના આધારે મોટો સ્કોર ઊભો કર્યો હતો. મુંબઈ તરફથી મીડિયમ ફાસ્ટ બોલર શિવમ દુબે અને સાઈરાજ પાટીલને ૩-૩ વિકેટ મળી હતી. ૧૯૩ રનના ટાર્ગેટ સામે મુંબઈએ ૨.૧ ઓવરમાં ૨૧ રનની અંદર બે વિકેટ ગુમાવી દીધી હતી. ત્યારે આયુષ મ્હાત્રે અને સૂર્યકુમાર યાદવની ભાગીદારીએ મુંબઈનો સ્કોર ૧૨ ઓવરમાં ૧૦૯ રન સુધી પહોંચ્યો હતો. ભારતના T20 કૅપ્ટન સૂર્યાએ ૩૦ બૉલમાં ૩૫ રન અને ઑલરાઉન્ડર શિવમ દુબેએ ૧૯ બૉલમાં ૩૯ રનની ઇનિંગ્સ રમી હતી.

આયુષ મ્હાત્રેએ ૨૦૭.૫૪ના સ્ટ્રાઇક-રેટથી બૅટિંગ કરીને ૮ ફોર અને ૮ સિક્સર ફટકારી ૫૩ બૉલમાં ૧૧૦ રનની અણનમ ઇનિંગ્સ રમી હતી. તેણે આ મૅચમાં ૪૯ બૉલમાં પોતાની T20 કરીઅરની પહેલી સદી કરી હતી. ૧૮ વર્ષનો આયુષ કરીઅરની ૯ T20 મૅચમાં ૩૬૮ રન ફટકારી ચૂક્યો છે. IPL 2026 પહેલાં ચેન્નઈ સુપર કિંગ્સે તેને રીટેન કર્યો છે. આગામી સમયમાં તે અન્ડર-19 ટીમની ટુર્નામેન્ટમાં ભારતનું નેતૃત્વ કરતો જોવા મળશે.

મુંબઈનો આયુષ મ્હાત્રે અન્ડર-19 એશિયા કપમાં ભારતનો કૅપ્ટન: દુબઈમાં ૧૪ ડિસેમ્બરે પાકિસ્તાન સામે ટકરાશે ભારતની યુથ ટીમ
યુનાઇટેડ આરબ ઍમિરેટ્સ (UAE)ના દુબઈમાં આગામી ૧૨થી ૨૧ ડિસેમ્બર દરમ્યાન વન-ડે ફૉર્મેટની અન્ડર-19 એશિયા કપ ટુર્નામેન્ટ રમાશે. ૧૨ ડિસેમ્બર અને ૧૬ ડિસેમ્બરની ગ્રુપ-A સ્ટેજની હરીફ ટીમ ક્વૉલિફાયર મૅચથી મળશે, પરંતુ ૧૪ ડિસેમ્બરની ટક્કર પાકિસ્તાન સામે રમાશે એ નક્કી જ છે. ૧૯ ડિસેમ્બરે બે સેમી ફાઇનલ અને ૨૧ ડિસેમ્બરે ફાઇનલ મૅચ રમાશે. 
આ એશિયા કપ માટે ભારતીય ક્રિકેટ બોર્ડે ૧૫ સભ્યોની સ્ક્વૉડ સહિત ૪ સ્ટૅન્ડબાય પ્લેયર્સનાં નામ જાહેર કર્યાં છે. મુંબઈનો ૧૮ વર્ષનો ક્રિકેટર આયુષ મ્હાત્રે આ ટુર્નામેન્ટમાં ભારતીય ટીમનું નેતૃત્વ કરશે. ઑલરાઉન્ડર વિહાન મલ્હોત્રાને વાઇસ-કૅપ્ટનની જવાબદારી સોંપવામાં આવી છે. ૧૪ વર્ષનો બૅટિંગ-સેન્સેશન વૈભવ સૂર્યવંશી પણ ૫૦-૫૦ ઓવરની આ ટુર્નામેન્ટમાં ધમાલ મચાવશે.


Whatsapp-channel Whatsapp-channel

29 November, 2025 01:40 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK