સિનિયર મેન્સ અને વિમેન્સ ટીમ બાદ બ્લાઇન્ડ મહિલા ટીમની ટ્રોફીને પણ સ્પર્શ ન કર્યો, પ્લેયર્સના હાથમાં રાખીને જ ફોટોશૂટ કરાવ્યું
તસવીર સૌજન્યઃ એજન્સી
પ્રથમ વિમેન્સ બ્લાઇન્ડ વિમેન્સ T20 ક્રિકેટ વર્લ્ડ કપ વિજેતા ભારતીય ટીમે ગઈ કાલે દેશની રાજધાની દિલ્હીમાં વડા પ્રધાન નરેન્દ્ર મોદીના નિવાસસ્થાને શુભેચ્છા-મુલાકાત કરી હતી. તમામ બ્લાઇન્ડ મહિલા ક્રિકેટર્સ પોતાના મેડલ સહિત બ્લાઇન્ડ ક્રિકેટ અસોસિએશનના લોગો સાથે ચૅમ્પિયન્સ લખેલો કોટ પહેરીને વડા પ્રધાનને મળવા પહોંચી હતી.
ADVERTISEMENT
સતત ત્રીજી વખત નરેન્દ્ર મોદીએ ક્રિકેટ ટુર્નામેન્ટની ટ્રોફીને સ્પર્શ કર્યો નહોતો. બ્લાઇન્ડ વિમેન્સ વર્લ્ડ કપની ટ્રોફી પણ વડા પ્રધાને પ્લેયર્સને હાથમાં પકડાવીને જ ગ્રુપ-ફોટો પડાવ્યો હતો. આ પહેલાં મેન્સ T20 વર્લ્ડ કપ 2024 અને વિમેન્સ વન-ડે વર્લ્ડ કપ 2025ની વિજેતા ભારતીય ટીમ સાથેની મુલાકાત દરમ્યાન પણ ચૅમ્પિયન્સના હકની ટ્રોફીને અડકી નહોતી.
બ્લાઇન્ડ વિમેન્સ ટીમની પ્લેયર્સે પોતાના ઑટોગ્રાફવાળું બૅટ વડા પ્રધાનને ગિફ્ટ કર્યું હતું.
બ્લાઇન્ડ ટીમે પોતાના સ્પેશ્યલ ક્રિકેટ-બૉલ પર નરેન્દ્ર મોદીના ઑટોગ્રાફ પણ લીધા હતા. મુલાકાતના અંતે વડા પ્રધાને તમામ ચૅમ્પિયન પ્લેયર્સને પોતાના હાથે મીઠાઈ ખવડાવી હતી. વડા પ્રધાનના હાથે મોઢું મીઠું કરીને કેટલીક પ્લેયર્સ ભાવુક થઈ ગઈ હતી.
