Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ભારત-ઇંગ્લૅન્ડ વચ્ચેની ‘પાંચમી’ ટેસ્ટ જુલાઈમાં રમાશે

ભારત-ઇંગ્લૅન્ડ વચ્ચેની ‘પાંચમી’ ટેસ્ટ જુલાઈમાં રમાશે

23 October, 2021 03:00 PM IST | Mumbai
Agency

આ મૅચ અગાઉ મૅન્ચેસ્ટરમાં રમાવાની હતી, પણ હવે જુલાઈમાં એ બન્ને દેશ વચ્ચે નિર્ધારિત થયેલી ટી૨૦ સિરીઝના ૬ દિવસ પાછળ ધકેલવામાં આવી છે અને આ ચર્ચાસ્પદ ‘પાંચમી’ ટેસ્ટને ગોઠવી દેવામાં આવી છે.

તસવીર સૌજન્ય મિડ-ડે

તસવીર સૌજન્ય મિડ-ડે


ગયા મહિને કોવિડની મહામારીના કારણસર અને ખાસ કરીને ભારતીય ટીમમાં કોરોના-પૉઝિટિવના કેસ બનતાં ભારત અને ઇંગ્લૅન્ડ વચ્ચેની ટેસ્ટ-સિરીઝની જે પાંચમી ટેસ્ટ મુલતવી જાહેર કરવામાં આવી હતી એ આવતા જુલાઈ મહિનામાં એજબેસ્ટનમાં રમાશે. આ મૅચ અગાઉ મૅન્ચેસ્ટરમાં રમાવાની હતી, પણ હવે જુલાઈમાં એ બન્ને દેશ વચ્ચે નિર્ધારિત થયેલી ટી૨૦ સિરીઝના ૬ દિવસ પાછળ ધકેલવામાં આવી છે અને આ ચર્ચાસ્પદ ‘પાંચમી’ ટેસ્ટને ગોઠવી દેવામાં આવી છે. આ ટેસ્ટ પહેલી જુલાઈએ શરૂ થશે. આ સિરીઝમાં ચાર ટેસ્ટ રમાઈ ચૂકી છે અને ભારત ૨-૧થી આગળ છે.
ટેસ્ટ પૂરી થયા બાદ ૭, ૯, ૧૦ જુલાઈએ ભારત-ઇંગ્લૅન્ડ વચ્ચે ત્રણ ટી૨૦ મૅચ રમાશે અને ત્યાર બાદ ૧૨, ૧૪ તથા ૧૭ જુલાઈએ વન-ડે મૅચ રમાશે. ૧૭ જુલાઈએ અંતિમ વન-ડે મૅન્ચેસ્ટરના ઓલ્ડ ટ્રેફર્ડમાં રમાશે. ઓલ્ડ ટ્રેફર્ડની પાંચમી મોકૂફ રખાયેલી ટેસ્ટ માટે જેમણે ટિકિટ ખરીદી હોય તેઓ રીફન્ડ લઈ શકશે અથવા ૧૭ જુલાઈએ રમાનારી વન-ડે જોઈ શકશે.


Whatsapp-channel Whatsapp-channel

23 October, 2021 03:00 PM IST | Mumbai | Agency

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK