ટોક્યોની ગરમીથી બધા પરેશાન, ટેનિસ મૅચોનો ટાઇમ બદલાયો

ટોક્યોની ગરમી બધા જ ખેલાડીઓને ભારે પરેશાન કરી રહી છે. સખત ગરમીને કારણે અનેક ખેલાડીઓ ફસડાઈ પડવા અથવા ભેબાન થઈ જવાના બનાવ બાદ આયોજકોને ટેનિસ મૅચોના સમયમાં ફેરફાર કરવાની ફરજ પડી છે. ધ ઇન્ટરનૅશનલ ટેનિસ ફેડરેશનના જણાવ્યા પ્રમાણે ૧૧ વાગ્યાને બદલે મૅચો હવે બપોરે ૩ વાગ્યે શરૂ થશે. 

વર્લ્ડ નંબર-વન ડૅનિલ મેડવેડેવ 

તેની ફૅબિયો ફોગનિની સામેની મૅચ દરમ્યાન લગભગ બેભાન જેવો જ થઈ ગયો હતો, જ્યારે પાઉલો બડોસા ગરમીમાં ફસડાઈ પડ્યો હતો અને તેને વ્હીલચૅરમાં બેસાડીને કોર્ટની બહાર લઈ જવો પડ્યો હતો. 

મેડવેડેવે મૅચ દરમ્યાન બે વાર મેડિકલ ટાઇમ-આઉટ લેવાની ફરજ પડી હતી, જ્યારે બડોસાને હિટ સ્ટ્રોકને લીધે મૅચ છોડી દેવાની ફરજ પડી હતી. બડોસાએ જણાવ્યું હતું કે ‘સફરનો આ રીતે અંત શર્મજનક છે. પહેલાં દિવસથી જ ખૂબ મુશ્કેલીઓ થઈ રહી હતી. અમે ઍડ્જસ્ટ થવાના બનતા બધા જ પ્રયત્ન કર્યા હતા.’

નોવાક જૉકોવિચ ક્વૉર્ટર ફાઇનલમાં

વર્લ્ડ નંબર-વન નોવાક જૉકોવિચે ગઈ કાલે સ્પેનના અલેજૅન્ડ્રો ડૅવિડોવિચ ફોકિનાને સીધા સેટમાં ૬-૩, ૬-૧થી હરાવીને ક્વૉર્ટર ફાઇનલમાં પ્રવેશ કરી લીધો હતો. એક જ વર્ષમાં ચારેય ગ્રૅન્ડ સ્લૅમ અને ઑલિમ્પિક મેડલ જીતીને ઇતિહાસ રચવા પ્રયત્નશીલ જૉકોવિચની ટક્કર હવે લોકલ હીરો કેઇ નિશિકોરી સામે થશે.