રાજકોટમાં પીએમએ કર્યું એઇમ્સનું ઉદ્ઘાટન

આવી સ્થિતિમાં પીએમ મોદીએ ગુજરાતમાં પોતાના સંબોધનમાં એ વાતનો પણ ઉલ્લેખ કર્યો હતો કે તેમણે 22 વર્ષ પહેલા 24 ફેબ્રુઆરીએ પોતાની ચૂંટણી યાત્રા શરૂ કરી હતી

રાજકોટમાં લોકોને સંબોધતા પીએમ મોદીએ કહ્યું કે, “ગઈકાલ (24 ફેબ્રુઆરી) મારા જીવનનો ખાસ દિવસ હતો.”

તેમણે કહ્યું કે, “મારી ચૂંટણી યાત્રાની શરૂઆતમાં રાજકોટની મોટી ભૂમિકા છે.”

પીએમ મોદીએ કહ્યું કે, “22 વર્ષ પહેલા 24મી ફેબ્રુઆરીના રોજ રાજકોટે મને પ્રથમ વખત આશીર્વાદ આપ્યા હતા, મને તેના ધારાસભ્ય તરીકે ચૂંટ્યો હતો.”

તેમણે ઉમેર્યું કે, “આજે 25મી ફેબ્રુઆરીએ ગાંધીનગર વિધાનસભામાં રાજકોટના ધારાસભ્ય તરીકે પ્રથમ વખત શપથ લીધા હતા."