એમપીમાં વાહને મારી પલટી, પડ્યું ખીણમાં

આ અકસ્માત મધ્યપ્રદેશના ડિંડોરી જિલ્લામાં બડઝર ઘાટ નજીક સવારે ૧.૩૦ વાગ્યે થયો હતો. ડ્રાઇવરે વળાંક સમયે ગાડી પરનો કન્ટ્રોલ ગુમાવ્યો હતો.

વાહન ૪૦-૫૦ ફૂટ ઉંડી ખીણમાં પડ્યું હતું. ૧૪ લોકોના ઘટનાસ્થળે જ મોત થયા હતા જ્યારે ૨૦ લોકો ઘાયલ થયા હતા. મૃતકોમાં ૭ પુરૂષો, ૬ મહિલાઓ અને ૧ સગીર છોકરો છે.

રાષ્ટ્રપતિ દ્રૌપદી મુર્મુ અને વડાપ્રધાન નરેન્દ્ર મોદીએ આ ઘટના પર શોક વ્યક્ત કર્યો છે.

પીએમ મોદીએ મૃતકોના પરિજનોને 2 લાખ રૂપિયા અને ઘાયલોને 50,000 રૂપિયાની પ્રધાનમંત્રી રાષ્ટ્રીય રાહત ભંડોળમાંથી સહાયની જાહેરાત કરી.

એમપીના મુખ્યમંત્રી મોહન યાદવે પણ દરેક મૃતકના પરિજનોને ચાર લાખ રૂપિયાની સહાયની જાહેરાત કરી હતી.