BSEએ કર્યો હાઉસિંગ ફાઇનૅન્સ ઇન્ડેક્સ લૉન્ચ

આ નવા ઇન્ડેક્સનો ઉપયોગ એક્સચેન્જ ટ્રેડેડ ફન્ડ અને ઇન્ડેક્સ ફન્ડ જેવા પરોક્ષ રોકાણવ્યૂહો માટે કરી શકાશે

ફાઇલ તસવીર

બૉમ્બે સ્ટૉક એક્સચેન્જ (BSE)ની સંપૂર્ણ માલિકીની સબસિડિયરી કંપની BSE ઇન્ડેક્સ સર્વિસિસ લિમિટેડે એક નવો ઇન્ડેક્સ BSE હાઉસિંગ ફાઇનૅન્સ લૉન્ચ કર્યો છે. આ ઇન્ડેક્સમાં BSE-100 ઇન્ડેક્સમાંની મૂળતઃ હાઉસિંગ ફાઇનૅન્સ કંપનીઓનો સમાવેશ કરવામાં આવ્યો છે.

૨૦૧૫ની બાવીસ જૂને મૂલ્યના આધારે ૧૦૦૦ પૉઇન્ટ્સના મૂલ્ય સાથે આ ઇન્ડેક્સનો પ્રારંભ કરવામાં આવ્યો છે. દર છ મહિને એટલે કે જૂન અને ડિસેમ્બરમાં આ ઇન્ડેક્સની પુન: સમીક્ષા કરવામાં આવશે.

આ નવા ઇન્ડેક્સનો ઉપયોગ એક્સચેન્જ ટ્રેડેડ ફન્ડ અને ઇન્ડેક્સ ફન્ડ જેવા પરોક્ષ રોકાણવ્યૂહો માટે કરી શકાશે. પોર્ટફોલિયો મૅનેજમેન્ટ સર્વિસિસના વ્યૂહોમાં બેન્ચમાર્કિંગ માટે પણ એનો ઉપયોગ કરી શકાશે. રોકાણકારોને હવે માર્કેટની વધુ તકો ઉપલબ્ધ થશે અને નવા ઇન્ડેક્સ દ્વારા તેઓ તેમના રોકાણવ્યૂહોને વધુ સમૃદ્ધ બનાવી શકશે.