વૉઈસ ઑફ મુંબઈ

મિડે-ડે સિટિઝન જર્નાલિઝ્મ વિભાગ દ્વારા તમારી વાત બનશે 'વૉઈસ ઑફ મુંબઈ'

તમારું નામ

તમારી અટક

તમારો ફોન કોડ

તમારો ફોન નંબર

ઈ-મેઇલ આઇડી

વિષયનું ટાઈટલ્

તસવીર પસંદ કરો

વૉઈસ ઑફ મુંબઈની શરતો મેં વાંચી, સમજી અને સ્વીકારી છે અને મિડડે ઇન્ફૉમીડિયાને આ માહિતી તેમના ડિજિટલ પ્લેટફૉર્મ પર ઉપયોગ કરવાની પરવાનગી આપું છું (Read T&C)

કૃપા કરીને આ બૉક્સને ચેક કરો.

વૉઇસ ઑફ મુંબઈમાં નવીનતમ

અકાદમી દ્વારા ભાયંદરમાં ટૂંકી વાર્તાનો પ્રયોગ `દાસ્તાનગોઈ ગુજરાતી'

મહારાષ્ટ્ર રાજ્ય ગુજરાતી સાહિત્ય અકાદમી દ્વારા કાવ્યસંગીત, કવિ સંમેલન, જૂની રંગભૂમિનાં ગીતો, નારીલક્ષી એકોક્તિ, ગઝલ ગુજરાતી, મસ્તીની પાઠશાળા, પરિસંવાદ, નાટ્યશિબિર, ભવાઈશિબિર વગેરે વિવિધ કાર્યક્રમોનું આયોજન સમયાંતરે કરવામાં આવે છે. સામાન્ય રીતે પશ્ચિમી પરાંવિસ્તારોમાં બોરીવલીથી આગળ સાહિત્યિક કાર્યક્રમો નહિવત પ્રમાણમાં યોજાય છે. એટલે અકાદમી દર વર્ષે શ્રી ભાયંદર કપોળ મંડળના સંયુક્ત ઉપક્રમે ભાયંદરમાં એક વિશેષ કાર્યક્રમનું આયોજન કરે છે. આ વર્ષે તા. ૪ ઑક્ટોબરે સાંજે ૫.૦૦ વાગ્યે ટૂંકી વાર્તાનો પ્રયોગ `દાસ્તાગોઈ ગુજરાતી' યોજાશે, જેમાં પુ. લ. દેશપાંડે, ઈલા આરબ મહેતા, મીનલ દવે, વર્ષા તન્ના અને પલ્લવી મિસ્ત્રી લિખિત વૈવિધ્યસભર વાર્તાઓનો સમાવેશ કરવામાં આવ્યો છે, જેમની ભાવવાહી પ્રસ્તુતિ પ્રીતા પંડ્યા, કિરણ બુચ, પ્રિયમ જાની, હિનલ જૈન અને વિધિ ચિતલિયા કરશે. પ્રીતેશ સોઢા દ્વારા યુટોપિયા - આરુકી આર્ટ્સ અંતર્ગત નિર્મિત આ પ્રયોગનું સંચાલન હિતેન આનંદપરા કરશે. સંસ્થા વતી સંયોજક ગોપાલ પારેખ છે. કાર્યક્રમમાં પ્રવેશ નિઃશુલ્ક છે. સ્થળઃ માતુશ્રી લીલા

ક્રિકેટમાં યોગદાન બદલ દિનેશ લાડ 'આજ કા કર્મવીર ઍવોર્ડ ૨૦૨૬'થી સન્માનિત

જાણીતા ક્રિકેટ કોચ દિનેશ લાડને રમતગમતના ક્ષેત્રમાં તેમના વિશિષ્ટ યોગદાન, નેતૃત્વ અને અર્થપૂર્ણ સેવા માટે 'સ્પોર્ટ્સ મેન્ટર' કૅટેગરીમાં પ્રતિષ્ઠિત 'આજ કા કર્મવીર ઍવોર્ડ ૨૦૨૬'થી સન્માનિત કરવામાં આવ્યા હતા. 'આજ કા કર્મવીર સોશિયલ ફાઉન્ડેશન' દ્વારા આયોજિત ‘છઠ્ઠા આજ કા કર્મવીર કૉન્ક્લેવ ઍન્ડ ઍવોર્ડ ૨૦૨૬'માં તેમને આ પુરસ્કાર એનાયત કરવામાં આવ્યો હતો.

ગુજરાતી મિડ-ડેના વાચકોના ઘરે શ્રી ગણેશજીનું આગમન

બોરીવલીના મિતેશ અને પૂનમ રાઠોડના પરિવારે શ્રી ગણેશજીના આગમન સાથે આ વર્ષે ટ્રેન્ડિંગ AI થીમ ChatGPT પર સુંદર સજાવટ કરી છે. “Ask Bappa Anything” જ્યાં ChatGPT મળે છે બાપ્પાને, અને આપણને યાદ અપાવે છે કે દરેક પ્રશ્નથી પરે, બાપ્પા જ આપણા શાશ્વત જ્ઞાન, શાંતિ, માર્ગદર્શન અને આશીર્વાદનો સાચો સ્ત્રોત છે.

ભારતના AI અને ઇલેક્ટ્રોનિક્સ મેન્યુફેક્ચરિંગ સેક્ટર માટે 23,000 યુવાનોને સક્ષમ બનાવશે ડેલ ટેક્નોલોજીસનો ‘ઉડાન’ કાર્યક્રમ

ડેલ ટેક્નોલોજીસે આર્ટિફિશિયલ ઇન્ટેલિજન્સ (AI), ક્લાઉડ કમ્પ્યુટિંગ અને ઇલેક્ટ્રોનિક્સ મેન્યુફેક્ચરિંગ ક્ષેત્રે ભારતના 23,000 યુવાનોને તૈયાર કરવાના ઉદ્દેશ સાથે ‘ઉડાન: એમ્પાવરિંગ ઇન્ડિયાઝ ફ્યુચર વર્કફોર્સ’ (uDaan) નામના રાષ્ટ્રીય સ્કિલિંગ અને ઇનોવેશન કાર્યક્રમની જાહેરાત કરી છે. આ પહેલ માટે FITT-IIT દિલ્હી, લર્નિંગ લિંક્સ ફાઉન્ડેશન અને જનરેશન ઇન્ડિયા ફાઉન્ડેશન સાથે મળીને એક પબ્લિક-પ્રાઇવેટ કન્સોર્ટિયમની રચના કરવામાં આવી છે. આ કાર્યક્રમ હેઠળ દિલ્હી એનસીઆર, બેંગલુરુ, હૈદરાબાદ, ચેન્નાઈ અને પુણે જેવા દેશના 5 મુખ્ય ટેક્નોલોજી કોરિડોરમાં આવેલી 100 આઈટીઆઈ (ITIs) અને 90 ઉચ્ચ શિક્ષણ સંસ્થાઓ (HEIs) ને આવરી લેવામાં આવશે. આ અભિયાન અંતર્ગત FITT-IIT દિલ્હી દ્વારા ઉદ્યોગોની જરૂરિયાત મુજબના ચાર વિશિષ્ટ અભ્યાસક્રમો તૈયાર કરવામાં આવશે, જેમાં AI એપ્લિકેશન ડેવલપમેન્ટ, ક્લાઉડ ડેવલપમેન્ટ, એસેમ્બલી લાઇન ઓપરેશન્સ અને ફિલ્ડ ટેકનિશિયનનો સમાવેશ થાય છે. ડેલ ટેક્નોલોજીસ ઇન્ડિયાના પ્રેસિડેન્ટ અને મેનેજિંગ ડિરેક્ટર મનીષ ગુપ્તાએ જણાવ્યું હતું કે, 'ભારતની AI આધારિત અર્થવ્યવસ્થામાં નવી ભૂમિકાઓ ઝડપથી ઊભી થઈ રહી છે, જેના માટે નવા કૌશલ્યોની જરૂર છે. ‘ઉડાન’ દ્વારા ડેલ યુવાનોને શિક્ષણથી લઈને રોજગાર સુધી પહોંચાડવા માટે સક્ષમ માર્ગ ઊભો કરી રહ્યું છે.' આ કાર્યક્રમ કેન્દ્ર સરકારના સ્કીલ ઇન્ડિયા 2.0, નવી શિક્ષણ નીતિ (NEP 2020), મેક ઇન ઇન્ડિયા અને ડિજિટલ ઇન્ડિયા વિઝન સાથે સુસંગત છે. તે માત્ર નોકરીઓ સુધી સીમિત ન રહેતાં પ્રથમ વર્ષમાં આઈટીઆઈ અને ઉચ્ચ શિક્ષણના વિદ્યાર્થીઓ દ્વારા 35 જેટલા ડીપ-ટેક સ્ટાર્ટઅપ્સ અને માઇક્રો-એન્ટરપ્રાઇઝિસ ઊભા કરવાનું લક્ષ્ય પણ ધરાવે છે. આ ઉપરાંત, પ્લેસમેન્ટ પછી 3 થી 24 મહિના સુધી યુવાનોની રોજગારી અને સ્થિરતા પર નજર રાખવામાં આવશે જેથી ટકાઉ આજીવિકા સુનિશ્ચિત થઈ શકે.

`શ્રદ્ધા અને આશ્વાસનની રાજવિદ્યા' વિશે વ્યાખ્યાન

અસ્પી ચૅરિટેબલ ટ્રસ્ટ અને શકિલમ્ ફાઉન્ડેશનના સંયુક્ત ઉપક્રમે શ્રાવણ માસ વ્યાખ્યાનમાળા અંતર્ગત ચોથું વ્યાખ્યાન તા. ૫ સપ્ટેમ્બરે રાત્રે ૮.૦૦ વાગ્યે યોજાશે જેમાં ભગવદગીતાના અભ્યાસી ડૉ. સુનીલ શાસ્ત્રી નવમા અધ્યાયને આવરીને `શ્રદ્ધા અને આશ્વાસનની રાજવિદ્યા' વિષય પર વ્યાખ્યાન આપશે. સ્થળઃ અસ્પી નૂતન ઍકૅડેમી સ્કૂલ, ચોથે માળે, માર્વે રોડ, મલાડ (વેસ્ટ).

અકાદમી દ્વારા આકાશવાણી અને દૂરદર્શનને આવરતો પરિસંવાદ

મહારાષ્ટ્ર રાજ્ય ગુજરાતી સાહિત્ય અકાદમી દ્વારા વિવિધ વિષયોને આવરતા પરિસંવાદનું આયોજન કરવામાં આવે છે. આ ઉપક્રમમાં `રેડિયો અને દૂરદર્શનની સોનેરી અવિસ્મરણીય સફર' શીર્ષક હેઠળ પરિસંવાદ ૨૯ ઑગસ્ટે સાંજે ૬.૦૦ વાગ્યે યોજાશે. દીપક મહેતા અને હરીશ ભિમાણી રાજુભાઈ ભરત યાજ્ઞિક, ઉત્કર્ષ મઝુમદાર કિરીટ બારોટ, દીપા દેસાઈ કલાગુર્જરીના સહયોગમાં આયોજિત આ કાર્યક્રમમાં રાજુભાઈ ભરત યાજ્ઞિક, ઉત્કર્ષ મઝુમદાર, કિરીટ બારોટ, હરીશ ભિમાણી અને દીપક મહેતા ભાગ લેશે. રેડિયો નાટિકાનું પઠન સતીશ વ્યાસ અને ડૉ. પ્રીતિ જરીવાલા કરશે. સંચાલન દીપા દેસાઈનું છે તથા કાર્યક્રમની પરિકલ્પના નિરંજન પંડ્યાની છે. સૌને જાહેર નિમંત્રણ છે. સ્થળઃ કલાગુર્જરી, દશરથલાલ જોશી માર્ગ, વિલે પાર્લા (પશ્ચિમ).

અજરામર મરાઠી નાટક 'નટસમ્રાટ'નું ગુજરાતી ભાષામાં નાટ્યરૂપાંતરણ

મહારાષ્ટ્ર સરકારના સાંસ્કૃતિક કાર્ય વિભાગ હેઠળ કાર્યરત મહારાષ્ટ્ર રાજ્ય ગુજરાતી સાહિત્ય અકાદમી ગુજરાતી ભાષા, સાહિત્ય અને સંસ્કૃતિના વિકાસ માટે વિવિધ ઉપક્રમો હાથ ધરે છે. સાહિત્ય, અનુવાદ, પરિસંવાદ, નાટ્યપ્રયોગ, ચર્ચાસત્રો તથા સાંસ્કૃતિક કાર્યક્રમોના માધ્યમથી વિવિધ ભાષા અને સંસ્કૃતિના લોકોને એકસાથે લાવવાનું મહત્વપૂર્ણ કાર્ય અકાદમી કરી રહી છે. આ જ ઉપક્રમોના એક ભાગરૂપે, મરાઠી સાહિત્યજગતના વરિષ્ઠ સાહિત્યકાર વિ. વા. શિરવાડકર (કુસુમાગ્રજ) દ્વારા લખાયેલા પ્રસિદ્ધ નાટક ‘નટસમ્રાટ’નો ગુજરાતી ભાષામાં અનુવાદિત નાટ્યપ્રયોગ પ્રથમ વખત રંગભૂમિ પર રજૂ કરવામાં આવી રહ્યો છે. મરાઠી રંગભૂમિના સૌથી લોકપ્રિય અને પ્રસિદ્ધ નાટકોમાં ‘નટસમ્રાટ’ એક મહત્વપૂર્ણ નાટક છે. અનેક વર્ષોથી આ નાટકે પ્રેક્ષકોના હૃદયમાં વિશેષ સ્થાન બનાવ્યું છે. કલાકારના જીવનનો સંઘર્ષ, માનવીય સંબંધો, સફળતા-નિષ્ફળતા અને લાગણીઓનું સુંદર ચિત્રણ આ નાટકમાં જોવા મળે છે. કુસુમાગ્રજ દ્વારા લખાયેલું આ નાટક મરાઠી સાહિત્યની એક અમૂલ્ય ધરોહર માનવામાં આવે છે. આ નાટકનું ગુજરાતી રૂપાંતરણ રજૂ કરવા પાછળનો હેતુ મરાઠી સાહિત્યની સમૃદ્ધ પરંપરા અને તેમાં રહેલાં મૂલ્યોને વધુમાં વધુ વાચકો અને પ્રેક્ષકો સુધી પહોંચાડવાનો છે. ‘નટસમ્રાટ’ નાટક ૧૯૭૦માં પ્રકાશિત થયા બાદ મરાઠી રંગભૂમિ પર એક સીમાચિહ્નરૂપ નાટક સાબિત થયું. છેલ્લા પાંચ દાયકાથી વધુ સમય દરમિયાન આ નાટકના હજારો પ્રયોગો રજૂ થયા છે અને અનેક પેઢીના રસિકોએ તેને ઉત્સ્ફૂર્ત પ્રતિસાદ આપ્યો છે. ડૉ. શ્રીરામ લાગૂ, દત્તા ભટ, ચંદ્રકાંત ગોખલે, મોહન જોશી અને વિક્રમ ગોખલે જેવા દિગ્ગજ કલાકારોએ ગણપતરાવ બેલવલકરની ભૂમિકા ભજવીને આ નાટકની લોકપ્રિયતામાં અમૂલ્ય યોગદાન આપ્યું છે. આજે પણ આ નાટકને મરાઠી રંગભૂમિની સર્વોચ્ચ અને સૌથી પ્રભાવશાળી કલાકૃતિઓમાંની એક માનવામાં આવે છે. આ ગુજરાતી અનુવાદિત નાટ્યપ્રયોગનો ઉદ્ઘાટન સમારોહ શનિવાર, તા. ૨૨ ઑગસ્ટ ૨૦૨૬ના રોજ સાંજે ૭.૦૦ વાગ્યે લઘુ નાટ્યગૃહ, રવીન્દ્ર નાટ્ય મંદિર, પ્રભાદેવી, મુંબઈ ખાતે યોજાશે. આ વિશેષ ઉદ્ઘાટન સમારોહમાં માનનીય મંત્રી શ્રી આશિષ શેલાર મુખ્ય અતિથિ તરીકે ઉપસ્થિત રહેશે. તેમજ સાંસ્કૃતિક કાર્ય વિભાગના સચિવ ડૉ. કિરણ કુલકર્ણીની પણ વિશેષ ઉપસ્થિતિ રહેશે. માનનીય મહાનુભાવોના હસ્તે નાટ્યપ્રયોગનું ઉદ્ઘાટન કરવામાં આવશે. મરાઠી અને ગુજરાતી બંને ભાષાઓ વચ્ચેના સાંસ્કૃતિક તથા સાહિત્યિક આદાન-પ્રદાનને વધુ મજબૂત બનાવવાની દિશામાં આ ઉપક્રમ મહત્વપૂર્ણ સાબિત થશે. આ પ્રથમ નાટ્યપ્રયોગ માત્ર આમંત્રિતો માટે રહેશે. આ નાટકના રાજ્યભરમાં વધુ ૯ પ્રયોગો યોજવામાં આવશે.

ધારાવી પુનર્વિકાસ પ્રોજેક્ટ માટે લોકોએ સ્વેચ્છાએ પોતાના ઘર કર્યા ખાલી

ધારાવી પુનર્વિકાસ પ્રોજેક્ટ માટે સ્વેચ્છાએ પોતાના ઘર ખાલી કરનારા અને ભાડાના કરાર પર હસ્તાક્ષર કરનારા આઝાદ નગર A અને B વોર્ડ, આઝાદ નગર C વોર્ડ, SVP નગર અને કમલા રમણ નગરના 480થી વધુ પરિવારોની મુલાકાત DRP/SRA અને NMDPLના અધિકારીઓએ એક સંપર્ક પહેલ (આઉટરીચ પહેલ)ના ભાગરૂપે લીધી હતી. આ મુલાકાત દરમિયાન, NMDPLના અધિકારીઓએ ડિમાન્ડ ડ્રાફ્ટ (DD) દ્વારા 12 મહિનાનું ભાડું અગાઉથી ચૂકવ્યું હતું. રહેવાસીઓને એક મહિનાની બ્રોકરેજ અને સ્થળાંતરના ખર્ચ પેટે એકવારની રકમ તરીકે રૂ. 5,000 પણ આપવામાં આવ્યા હતા, જ્યારે ભવિષ્યનું માસિક ભાડું વાર્ષિક 5 ટકાના વધારા સાથે સીધું ઘરના વડા (HOH)ના બેંક ખાતામાં જમા કરવામાં આવશે. આ જમીનનો ઉપયોગ મહત્વપૂર્ણ માળખાગત સુવિધાઓ અને તે જ સ્થળે પુનર્વસન (ઇન-સિટુ રિહેબિલિટેશન) માટે કરવામાં આવશે. કામચલાઉ પુનર્વસનની સમગ્ર પ્રક્રિયા કાળજી, આદર અને ગરિમા સાથે હાથ ધરવામાં આવી રહી છે.

વિલે પાર્લે રેલવે સ્ટેશન ખાતે નવી લિફ્ટનું લોકાર્પણ

મુંબઈના વિલે પાર્લે રેલવે સ્ટેશન (ઇસ્ટ) ખાતે મુસાફરોની સુવિધા માટે નવી લિફ્ટનું લોકાર્પણ કરવામાં આવ્યું. આ પ્રસંગે શ્રી રતીભાઈ ગાલા (પૂર્ણિમા બુક સેન્ટર)ના હસ્તે લિફ્ટનું ઉદ્ઘાટન કરવામાં આવ્યું. આ કાર્યક્રમમાં રેલવે એડવાઇઝરી બોર્ડના સભ્ય શ્રી કૈલાશ વર્મા, દિનેશ જેઠાલાલ શાહ ગુજરાતી સેલ ના મહામંત્રી મોર્નિંગ વોક ગ્રુપના સભ્યો, RHSના કાર્યકર્તાઓ તથા સ્થાનિક નાગરિકો મોટી સંખ્યામાં ઉપસ્થિત રહ્યા હતા. નવી લિફ્ટ શરૂ થતાં વરિષ્ઠ નાગરિકો, દિવ્યાંગજનો, મહિલાઓ અને ભારે સામાન સાથે મુસાફરી કરતા હજારો મુસાફરોને ખૂબ જ મોટી રાહત મળશે.

અમદાવાદના સોન્ગ-રાઇટિંગ એન્ડ મ્યુઝિક વર્કશૉપમાં ઉત્સાહભેર જોડાયાં યંગસ્ટર્સ

ગત ૧૧ જુલાઈના રોજ શહેરના 'ઇન્ફિનિટી ૨.૦ સ્ટુડિયો' ખાતે સોન્ગ અને મ્યુઝિકના બંધારણને સમજાવતા એક વિશેષ વર્કશોપનું આયોજન કરાયું હતું. વર્કશૉપનાં મુખ્ય વક્તા હતાં ઑથર અને સોન્ગ રાઇટર નૃતિ શાહ. 'Kuka is Money Cash' આ ગુજરાતી ડ્રામા-ફિલ્મનાં સોન્ગ નૃતિ શાહ દ્વારા લખવામાં આવ્યાં છે. તેઓએ ગીતલેખનની પાયાની અને પ્રોફેશનલ માહિતી આપી હતી. તેમણે ગીતોના વિવિધ પ્રકારો, બેઝિક લિરિક્સનું મહત્વ, ધૂન પરથી ગીત કઈ રીતે લખવું અને શબ્દો પરથી ધૂન કઈ રીતે તૈયાર કરવી તે વિશે ખૂબ જ રસપ્રદ માર્ગદર્શન આપ્યું હતું. ગીતની સાથે સંગીતના તાલમેલને સમજાવવા માટે મ્યુઝિક ડિરેક્ટર મીકુલ સોની વિશેષ રૂપે ગાઈડન્સ આપ્યું હતું. તેમણે ગીતની ધૂન, સૂર અને તેના બંધારણ વિશે ટેકનિકલ તેમજ પ્રેક્ટિકલ માહિતી શેર કરી હતી, જેનાથી કળાની સાથે સંગીતના વ્યવસાયિક પાસાને સમજવામાં સરળતા રહી હતી. નૃતિ શાહ જણાવે છે કે, 'ગીત-સંગીત એ સૌનો મનગમતો વિષય છે, પરંતુ તેની પદ્ધતિસરની માહિતી ખૂબ ઓછી જોવા મળે છે. આ વર્કશૉપના માધ્યમથી મેં અને મીકુલ સોનીએ સાહિત્ય તેમજ સંગીત ક્ષેત્રે એક નવી પહેલ કરવાનો પ્રયાસ કર્યો છે. આગામી સમયમાં વધુ આવા વર્કશૉપ કરીશું.' બે કલાક ચાલેલા આ સેશનમાં અલગ-અલગ ફિલ્ડના સ્ટુડન્ટ્સ તેમજ સંગીતમાં ઊંડો રસ ધરાવતા શહેરીજનોએ ઉત્સાહભેર ભાગ લીધો હતો. સહભાગીઓએ ગીત કઈ રીતે પ્રોફેશનલ લેવલ પર લખી શકાય તેની બારીકાઈઓ શીખીને આ ઇવેન્ટને સંપૂર્ણપણે સફળ બનાવી હતી.

ખાનવેલમાં એક જ દિવસમાં એક લાખ જેટલા વૃક્ષોનું રોપણ

ભારતના કેન્દ્રશાસિત પ્રદેશ દાદરા અને નગર હવેલીના ખાનવેલ ખાતે રવિવારે ખાનવેલ રિસોર્ટ્સ અને સ્થાનિક આદિવાસી સમાજના સંયુક્ત ઉપક્રમે એક જ દિવસમાં અંદાજે એક લાખ વૃક્ષોના રોપનું વાવવામાં આવ્યા હતા. પર્યાવરણ સંરક્ષણ અને હરિયાળી વધારવાના ઉદ્દેશ્યથી યોજાયેલા આ વિશાળ વૃક્ષારોપણ અભિયાનમાં મોટી સંખ્યામાં સ્થાનિક આદિવાસી લોકો, સ્વયંસેવકો તેમજ ખાનવેલ રિસોર્ટ્સના કર્મચારીઓએ ઉત્સાહભેર ભાગ લીધો હતો. આ અભિયાનનો મુખ્ય હેતુ પર્યાવરણ પ્રત્યે લોકોમાં જાગૃતિ ફેલાવવાનો, વૃક્ષોનું મહત્ત્વ સમજાવવાનો અને હરિયાળું તથા સ્વચ્છ પર્યાવરણ માટે વધુમાં વધુ લોકોની ભાગીદારી સુનિશ્ચિત કરવાનો હતો. આયોજકોના જણાવ્યા મુજબ, વૃક્ષારોપણ સાથે રોપાઓના જતન અને સંવર્ધન પર પણ વિશેષ ભાર મૂકવામાં આવશે.

ઝરૂખોમાં 'સ્વામી આનંદ' અને 'જીવન સાથે જોડાયેલું હાસ્ય' એ વિષય પર વક્તવ્ય

જાણીતા વક્તા ,અધ્યાપક અશ્વિન મહેતા અને જાણીતા કલાકાર પ્રવીણ વ્યાસ વક્તવ્ય આપશે સ્વામી આનંદના નિબંધો ગુજરાતી સાહિત્યમાં એક વિશિષ્ટ સ્થાન ધરાવે છે. જાણીતા અધ્યાપક અશ્વિન મહેતા આ શનિવારના ઝરૂખોમાં 'સ્વામી આનંદનું જીવન દર્શન' વિશે વાત કરશે. અશ્વિન મહેતા વર્ષો સુધી મીઠીબાઈ કૉલેજમાં ગુજરાતી સાહિત્યના અધ્યાપક તથા વિભાગ અધ્યક્ષ રહ્યા છે. સંચાલક, કટારલેખક અને વક્તા તરીકે પણ તેઓ જાણીતા છે. બીજા એવા જ સજ્જ વક્તા પ્રવીણ વ્યાસ 'જીવન સાથે જોડાયેલું હાસ્ય' એ વિષય પર વક્તવ્ય આપશે. પ્રવીણ વ્યાસ જાણીતા હાસ્ય કલાકાર છે તથા નાટક અને ફિલ્મોમાં પણ એમણે અભિનય દ્વારા લોકચાહના મેળવી છે . ૧૧ જુલાઈ શનિવાર સાંજે ૭.૨૦ વાગ્યે યોજાયેલા આ કાર્યક્રમનું સંચાલન સંજય પંડ્યા કરશે. સાઈબાબા મંદિર બીજા માળે, સાઈબાબા નગર, બોરીવલી પશ્ચિમના સરનામે સર્વ સાહિત્ય રસિકોને જાહેર નિમંત્રણ છે.