બિનરહીશ ભારતીય દ્વારા પ્રૉપર્ટીના વેચાણનો TDS હવે ટૅનને બદલે પૅન વાપરીને ભરી શકાશે

કાનૂની જાણકારોનું માનવું છે કે આ પગલું નિયમપાલનમાં નડતી સમસ્યાનો નોંધપાત્ર રીતે ઉકેલ લાવશે.

પ્રતીકાત્મક તસવીર

કોઈ બિનરહીશ ભારતીય સ્થાવર મિલકતનું વેચાણ કરે તો એના પરનો TDS (ટૅક્સ ડિડક્ટેડ ઍટ સોર્સ) હવે ખરીદદાર રહેવાસી ભારતીયના પૅન-આધારિત ચલાનથી ભરવાનો રહેશે. અત્યાર સુધી એના માટે ટેમ્પરરી અકાઉન્ટ નંબર (TAN) લેવો પડતો હતો, હવેથી સ્થાનિક ખરીદદારના પૅન મારફત TDS ભરી શકાશે. 

નિષ્ણાતોનું કહેવું છે કે TDS ભરવા સિવાય ટેમ્પરરી અકાઉન્ટ નંબર બીજા કોઈ કામમાં આવતો નથી. આમ હવે સ્થાનિક ખરીદદાર વ્યક્તિગત કરદાતા કે હિન્દુ અવડિવાઇડેડ ફૅમિલી (HUF)એ TDS કાપીને સંબંધિત રકમ પોતાના જ પૅનની મદદથી સરકારી ખાતામાં જમા કરાવવાની રહેશે. આ નવી જોગવાઈ ૨૦૨૬ની ૧ ઑક્ટોબરથી લાગુ થશે. બિનરહીશ ભારતીયોને પણ તેમના વેચાણનો સોદો જલદી પાર પડવાથી થનારા લાભ મળી શકશે. 

કાનૂની જાણકારોનું માનવું છે કે આ પગલું નિયમપાલનમાં નડતી સમસ્યાનો નોંધપાત્ર રીતે ઉકેલ લાવશે. એનાથી બિનરહીશ વેચાણકારો માટેની પ્રક્રિયા હવે નિવાસી વેચાણકારો માટેની પ્રક્રિયા જેવી જ બની જશે, જેનાથી કરદાતાઓને એકંદરે સરળતા રહેશે.