બૉલિવૂડના દિગ્ગજ ઍકટર ધર્મેન્દ્રનું 89 વર્ષે નિધન: પરિવાર સ્મશાને પહોંચ્યો

ધર્મેન્દ્રને તેમના પરિવારની વિનંતી પર 12 નવેમ્બરના રોજ બ્રીચ કૅન્ડી હૉસ્પિટલમાંથી રજા આપવામાં આવી હતી. ત્યારથી તેઓ ઘરે જ સારવાર લઈ રહ્યા હતા. ધર્મેન્દ્રના નિધનના સમાચાર એવા સમયે આવી છે જ્યારે તેમની આગામી ફિલ્મ ‘એક્કિસ’નું પોસ્ટર જાહેર થયું છે.

દિગ્ગજ અભિનેતા ધર્મેન્દ્રનું જન્મદિવસને એક અઠવાડિયા પહેલા નિધન

બૉલિવૂડના દિગ્ગજ અભિનેતા અને હી-મૅન કહેવાતા ધર્મેન્દ્રની તબિયત ફરી એકવાર બગડ્યા બાદ તેમનું નિધન થયું છે. સોમવારે બપોરે 12:30 વાગ્યાની આસપાસ તેમના જુહુ સ્થિત ઘરે એક એમ્બ્યુલન્સ અચાનકથી પહોંચી હતી અને અડધા કલાક પછી ત્યાંથી રવાના થઈ હતી. આ દરમિયાન, સમગ્ર દેઓલ પરિવાર પણ અહીં આવી પહોંચ્યો હતો. તેમના ઘરની બહાર સુરક્ષા વધારી દેવામાં આવી છે. હવે પરિવાર અને ફિલ્મ જગતના કલાકારો સ્મશાને પહોંચી રહ્યા હોવાના દ્રશ્યો છે. આ સાથે હેમા માલિની અને એશા દેઓલ વિલે પાર્લે સ્થિત પવન હંસ સ્મશાનગૃહમાં જોવા મળ્યા હતા. ધર્મેન્દ્રના જુહુ સ્થિત ઘરની બહાર એક એમ્બ્યુલન્સ જોવા મળી રહી છે. અભિનેતાની તબિયત ફરી બગડવાના અહેવાલો પણ હતા જોકે હવે તેમના પરિવારના સભ્યો તેમના ઘરે પહોંચ્યા છે અને અંતિમ યાત્રાની તૈયારીઓ કરી રહ્યો છે. સ્મશાન ગૃહની બહાર ફિલ્મ જગતના કલાકારો પહોંચી રહ્યાના દ્રશ્યો જોવા મળી રહ્યા છે. ફિલ્મ ફેયરના સત્તાવાર સોશિયલ મીડિયા એકાઉન્ટ દ્વારા પણ દિગ્ગજ અભિનેતાને શ્રદ્ધાંજલી આપવામાં આવી છે અને ફિલ્મ મેકર કરણ જોહરે પણ હી-મૅનને શ્રદ્ધાંજલિ આપી છે.

આગામી ફિલ્મનું પોસ્ટર જાહેર

ધર્મેન્દ્રને તેમના પરિવારની વિનંતી પર 12 નવેમ્બરના રોજ બ્રીચ કૅન્ડી હૉસ્પિટલમાંથી રજા આપવામાં આવી હતી. ત્યારથી તેઓ ઘરે જ સારવાર લઈ રહ્યા છે. ધર્મેન્દ્રની સ્થિતિ અંગેની આ માહિતી એવા સમયે આવી છે જ્યારે તેમની આગામી ફિલ્મ ‘એક્કિસ’ ના નિર્માતાઓએ હી-મૅનનું પાત્ર પોસ્ટર રિલીઝ કર્યું છે. ધર્મેન્દ્રનું મોશન પોસ્ટર અને `એક્કિસ` નું વોઇસ નોટ રિલીઝ થયું સોમવારે, `એક્કિસ` નું ધર્મેન્દ્રના પાત્રનું નવું મોશન પોસ્ટર રિલીઝ થયું. પોસ્ટમાં ધર્મેન્દ્રનો વોઇસ નોટ પણ શામેલ છે. તેમનો અવાજ સાંભળીને ચાહકો ભાવુક થઈ ગયા છે. ફિલ્મના પોસ્ટરે ચર્ચા જગાવી છે, ત્યારે એમ્બ્યુલન્સ અને તેમના ઘરની બહારનો હંગામો ચિંતા વધારી રહ્યો છે.

અગસ્ત્ય નંદા અભિનીત ફિલ્મ `એક્કિસ` 25 ડિસેમ્બરે સિનેમાઘરોમાં રિલીઝ થવાની છે. ફિલ્મમાં ધર્મેન્દ્ર અભિનીત છે. નિર્માતાઓએ સોમવારે ફિલ્મનું મોશન પોસ્ટર રિલીઝ કર્યું. બીજા પોસ્ટરમાં અગસ્ત્ય નંદા અને જયદીપ અહલાવત પણ છે. મોશન પોસ્ટરમાં, ધર્મેન્દ્ર કહેતા સાંભળવામાં આવે છે, "મારો મોટો દીકરો, અરુણ, તે હંમેશા `એક્કિસ` રહેશે." ફિલ્મમાં, ધર્મેન્દ્ર સેકન્ડ લેફ્ટનન્ટ અરુણ ખેત્રપાલ (અગસ્ત્ય નંદા) ના પિતાની ભૂમિકા ભજવી છે. મેડોક ફિલ્મ્સના આ નવા પોસ્ટરના કૅપ્શનમાં લખ્યું છે, "પિતા પુત્રોનો ઉછેર કરે છે. દંતકથાઓ રાષ્ટ્રોનું નિર્માણ કરે છે. ધર્મેન્દ્રજી 21 વર્ષના અમર સૈનિકના પિતા તરીકે ભાવનાત્મક શક્તિસ્થાન છે. એક કાલાતીત દંતકથા આપણને બીજાની વાર્તા લાવે છે."