17 May, 2022 12:25 PM IST | Mumbai | Gujarati Mid-day Correspondent
કંગના રનૌત
કંગના રનોટે સ્ટાર કિડ્સને ‘ઉબલે હુએ અંડે’ કહ્યાં છે. હાલમાં જ ઝોયા અખ્તરની ‘ધ આર્ચીઝ’નાં પોસ્ટર અને ઇન્ટ્રોડક્શન વિડિયો શૅર કરવામાં આવ્યાં હતાં. આ ફિલ્મમાં શાહરુખ ખાનની દીકરી સુહાના ખાન, બોની કપૂરની દીકરી ખુશી કપૂર અને અમિતાભ બચ્ચનનો દોહિત્ર અગસ્ત્ય નંદા લીડ રોલમાં છે. કંગનાએ આ લોકોનાં નામ તો નથી લીધાં પરંતુ આડકતરી રીતે તેમના પર પ્રહાર કર્યો છે. કંગનાના પૂછવામાં આવ્યું હતું કે બૉલીવુડની સરખામણીએ સાઉથ સિનેમા કેવી રીતે સફળ છે તો એનો જવાબ આપતાં કંગનાએ કહ્યું કે ‘સાઉથનું લોકો સાથે જે કનેક્શન હોય છે એ સ્ટ્રૉન્ગ હોય છે. હું તેમને ફૅન્સ નહીં કહું. તેઓ એનાથી પણ વિશેષ છે. બૉલીવુડમાં તો સ્ટાર કિડ્સ સ્ટડી માટે વિદેશમાં જાય છે. તેઓ ઇંગ્લિશમાં વાત કરે છે અને માત્ર હૉલીવુડની ફિલ્મો જુએ છે. તેઓ નાઇવ્સ અને ફૉર્કથી જમે છે અને અલગ રીતે વાત કરે છે. એથી તેઓ કઈ રીતે કનેક્ટ થઈ શકશે? દેખાવમાં પણ તેઓ વિચિત્ર હોય છે જાણે કે ઉબલે હુએ અંડે. તેમનો આખો લુક જ બદલાઈ જાય છે. એથી લોકો તેમની સાથે જોડાઈ નથી શકતા. હું કોઈને ટ્રોલ નથી કરવા માગતી.’