21 May, 2022 12:27 PM IST | Mumbai | Gujarati Mid-day Correspondent
પાંચ કરોડ રૂપિયાની આલીશાન કાર ખરીદી કંગનાએ
કંગના રનોટની ‘ધાકડ’ વિરુદ્ધ લોકોનો વંટોળ ફૂટી નીકળ્યો છે. એના માટે લોકોએ કેટલાંક કારણો સોશ્યલ મીડિયામાં શૅર કર્યાં છે. આ ફિલ્મની રિલીઝ અગાઉ તેણે ફિલ્મની ટીમ સાથે કાશી વિશ્વનાથના મંદિરે જઈને શિવલિંગ પર દૂધ ચડાવ્યું હતું. જોકે તેણે પ્લાસ્ટિકની બકેટથી દૂધ ચડાવ્યું હતું. એ જોઈને લોકોની ધાર્મિક લાગણી દુભાઈ છે. લોકોનું કહેવું છે કે ભગવાનને દૂધ ચડાવતી વખતે ચાંદી, તાંબા કે પછી પિત્તળના વાસણનો ઉપયોગ કરવો જોઈએ. સાથે જ કંગના થોડા દિવસો અગાઉ ઈદની પાર્ટીમાં હાજર હતી. એને જોઈને લોકોએ એને ટ્રોલ કરવાનું શરૂ કરતાં કહ્યું છે કે આ પાર્ટીમાં સામેલ કેટલીયે સેલિબ્રિટીઝના વિરોધમાં કંગના હતી અને હવે તેમની જ સાથે પાર્ટી કરતી તે જોવા મળી રહી છે. સાથે જ બે વર્ષ અગાઉ જ્યારે સુશાંત સિંહ રાજપૂતનું અવસાન થયું ત્યારે તેને ન્યાય અપાવવા માટે કંગનાએ સોશ્યલ મીડિયામાં જંગ છેડી દીધો હતો. એથી લોકો કહી રહ્યા છે કે સુશાંતને ન્યાય અપાવવો એ તેનો ઉદ્દેશ નહોતો, તેને તો માત્ર પ્રસિદ્ધિ જ મેળવવી હતી. તેનો હેતુ પૂરો થતાં તે હવે બૉલીવુડ સાથે મળી ગઈ છે. ‘લૉકઅપ’ના વિજેતા મુનવ્વર ફારુકીએ હિન્દુ દેવી-દેવતાઓનું અપમાન કર્યું હતું. આમ છતાં કંગનાએ તેને ‘લૉકઅપ’નો વિજેતા જાહેર કર્યો હતો. આવાં કારણોથી જ લોકોએ ‘ધાકડ’નો વિરોધ કરવાનું શરૂ કર્યું છે અને સોશ્યલ મીડિયામાં #BoycottDhaakad ટ્રેન્ડ થઈ રહ્યું છે.
પાંચ કરોડ રૂપિયાની આલીશાન કાર ખરીદી કંગનાએ
‘ધાકડ’ની રિલીઝ અગાઉ જ કંગનાએ અંદાજે પાંચ કરોડની આલીશાન કાર ખરીદીને પોતાને ગિફ્ટ કરી છે. આ આલીશાન કાર એટલે મર્સિડીઝ બેન્ઝ મેબૅક S680 છે. એવું જાણવા મળ્યું છે કે ૨૦૨૩ સુધી એ કારનું વેચાણ થઈ ગયું છે. આ કારની ડિલિવરી લેવા માટે કંગના તેના પરિવાર સાથે ગઈ હતી. તેની મમ્મીએ આ નવી કારની પૂજા કરી હતી. કારમાં લેટેસ્ટ ટેક્નૉલૉજીની સાથે એમાં સવાર યાત્રીઓને આરામનો પણ અનુભવ કરાવશે. કંગના બ્લૅક પ્રિન્ડેટ ડ્રેસમાં ખૂબ સુંદર દેખાઈ રહી છે. આ ઇમ્પોર્ટેડ કારની માલિક બનીને કંગના પણ ખુશ થઈ ઊઠી છે.