હવે આલિયા ભટ્ટની મમ્મીએ ઊભો કર્યો વિવાદ

દિવાળીનો તહેવાર નજીક આવી રહ્યો છે ત્યારે બૉલીવુડની અનેક હસ્તીઓ લોકોને આગળ આવીને અપીલ કરી રહી છે કે તેઓ દિવાળીના શુભ અવસરે ફટાકડા ન ફોડે. થોડા દિવસ પહેલાં દિયા મિર્ઝાનો એક વિડિયો સામે આવ્યો હતો જેમાં તેણે ફટાકડાને કારણે ફેલાતા પ્રદૂષણની વાત કરી હતી.

સોની રાઝદાન

દિવાળીનો તહેવાર નજીક આવી રહ્યો છે ત્યારે બૉલીવુડની અનેક હસ્તીઓ લોકોને આગળ આવીને અપીલ કરી રહી છે કે તેઓ દિવાળીના શુભ અવસરે ફટાકડા ન ફોડે. થોડા દિવસ પહેલાં દિયા મિર્ઝાનો એક વિડિયો સામે આવ્યો હતો જેમાં તેણે ફટાકડાને કારણે ફેલાતા પ્રદૂષણની વાત કરી હતી. જોકે આ વિડિયોને કારણે દિયાને ભારે ટ્રોલિંગનો સામનો કરવો પડ્યો હતો. દિયા પછી હવે આલિયાની મમ્મી સોની રાઝદાને ફટાકડા ફોડતા લોકોને દેશવિરોધી ગણાવ્યા છે. જોકે પોતાની આ પોસ્ટ પર કોઈ તેને ટ્રોલ ન કરી શકે એ માટે સોનીએ કમેન્ટ-બૉક્સ બંધ કરી દીધું છે. 

સોનીએ સોશ્યલ મીડિયામાં પોસ્ટ કરીને લખ્યું હતું કે ‘નાનાં બાળકોનાં મમ્મી-પપ્પા તમને જણાવી શકશે કે હવાના પ્રદૂષણને કારણે તેમને કેટલી મુશ્કેલીઓનો સામનો કરવો પડી રહ્યો છે. કેટલાંય બાળકો બીમારીને કારણે સ્કૂલ જઈ શકતાં નથી. આવી પરિસ્થિતિમાં તમે મને કહો કે દિવાળી પર ફટાકડા ફોડવા યોગ્ય છે તો હું એટલું જ કહીશ કે મને આ બાબત જીવનવિરોધી, સ્વાસ્થ્યવિરોધી અને દેશવિરોધી લાગે છે. સ્વાસ્થ્ય એક પસંદગી છે, જે આપણે આપણાં બાળકો માટે કરીએ છીએ. તો આવો, આપણે સૌ મળીને યોગ્ય પસંદગી કરીએ.’