22 April, 2020 03:33 PM IST | Mumbai | Gujarati Mid-Day Correspondent
હૉલીવુડમાં ધૂમ મચાવી ચૂકેલી ફિલ્મો હવે જો એકેય રૂપિયો ખર્ચ કર્યા વિના જોવી હોય તો તમારી પાસે મૅક્સપ્લેયરનો ઑપ્શન આવી ગયો છે. હૉલીવુડની સુપરહિટ ફિલ્મ હવે તમને મૅક્સપ્લેયર પર જોવા મળશે અને એ પણ કોઈ જાતના સબસ્ક્રિપ્શન વિના. બધાં ડિજિટલ પ્લૅટફૉર્મ જ્યારે ચાર્જેબલ થઈ ગયાં છે ત્યારે હજી પણ મૅક્સપ્લેયર ફ્રી પ્લૅટફૉર્મ છે. મૅક્સપ્લેયર પર શરૂ થયેલા હૉલીવુડ સેગમેન્ટમાં ‘ટ્રાન્સફૉર્મર્સ - ધી લાસ્ટ નાઇટ’, ‘xXx: રિટર્ન ઑફ ઝેન્ડર કેજ’, પ્રિયંકા ચોપડા સ્ટારર ‘બેવૉચ’, ‘બ્લૅડ રનર’, ‘ધી હિટમેન્સ બૉડીગાર્ડ’ જેવી ફિલ્મો જોવા મળશે.
ખાસ વાત જો કોઈ હોય તો એ કે મૅક્સપ્લેયરની આ તમામ ફિલ્મો હિન્દી ડબ વર્ઝનમાં પણ જોવા મળશે. લૉકડાઉનના આ પિરિયડમાં મૅક્સપ્લેયરે ઘરમાં રહેલા એના ઑડિયન્સનું ધ્યાન રાખવાના હેતુથી જ હૉલીવુડ ફિલ્મો ફ્રીમાં પ્લૅટફૉર્મ પર મૂકી છે.