18 October, 2021 03:05 PM IST | Mumbai | Gujarati Mid-day Correspondent
હિના ખાન
હિના ખાને હાલમાં બિગ બૉસને ઘણા સવાલ કર્યા છે. ‘બિગ બૉસ’ની ૧૫મી સીઝનમાં સ્પર્ધકો ખૂબ અગ્રેશન દેખાડી રહ્યા છે. શોના હોસ્ટ સલમાન ખાને પણ દરેકના ક્લાસ લીધા હતા. જોકે આ શોની ભૂતપૂર્વ કન્ટેસ્ટન્ટ હિના ખાને બિગ બૉસને ઘરના નિયમોને લઈને સવાલ કર્યા છે. તેણે આ શોને WWE સાથે સરખાવ્યો છે. આ વિશે હિના ખાને સોશ્યલ મીડિયા પર પોસ્ટ કરતાં લખ્યું હતું, ‘તમે લોકો કેમ છો? કલર્સ પર સોમથી શુક્રવારે રાતે સાડાદસ વાગ્યે ‘સ્મેકડાઉન’ અને ‘રો’ શો આવે છે એને તમે એન્જૉય કરી રહ્યા છોને. એક સમય હતો જ્યારે આંગળી પણ નહોતી લગાવી શકાતી, પરંતુ હવે બિગ બૉસ આ બધું શું થઈ રહ્યું છે. હું મોટા ભાગે બિગ બૉસ વિશે ટ્વીટ નથી કરતી, પરંતુ આ વખતે મને ખૂબ ફની લાગી રહ્યું છે અને મારી જાતને એ વિશે ટ્વીટ કરતાં રોકી ન શકી. તમામ રિસ્પેક્ટ સાથે કહું છું કે બિગ બૉસ, તમે વિશ્વસુંદરીના પ્રેમમાં તો નથી પડી ગયાને. બિગ બૉસ તમારે આંખ ખોલવાની જરૂર છે. હું ઘરના કોઈને બ્લૅમ નથી કરી રહી. જોકે બિગ બૉસનો સૌથી મહત્ત્વનો અને પહેલો નિયમ છે કે તમે કોઈને ટચ પણ નથી કરી શકતા. જોકે મને લાગે છે કે હવે એ નિયમ લાગુ નથી પડતો.’