27 February, 2026 11:32 AM IST | Mumbai | Gujarati Mid-day Correspondent
કરણ કુન્દ્રા
ટીવીજગતની પ્રેમી જોડી કરણ કુન્દ્રા અને તેજસ્વી પ્રકાશની લવસ્ટોરી હાલમાં ચર્ચાનું કારણ બની હતી. હકીકતમાં કરણે ગર્લફ્રેન્ડ તેજસ્વીના ચહેરાના પૉર્ટ્રેટનું પોતાની છાતીના જમણા ભાગ પર ટૅટૂ કરાવ્યું છે અને એને જાહેરમાં દેખાડ્યું હતું. જોકે કેટલાક લોકોએ એને સાચા પ્રેમની નિશાની કહ્યું તો કેટલાકે એને આર્ટિફિશ્યલ ઇન્ટેલિજન્સથી જનરેટ ઇમેજ ગણાવી.
આ ગૂંચવણ દૂર કરવા માટે કરણ કુન્દ્રાએ પોતે જ હકીકત જણાવી છે. તેણે સ્પષ્ટતા કરતાં જણાવ્યું હતું કે આ ટૅટૂ સાચું છે પણ કાયમી નથી. આ ટેમ્પરરી ટૅટૂ તેજસ્વીના OTT ડેબ્યુ શો ‘સાયકો સૈયાં’ના પ્રમોશન માટે બનાવવામાં આવ્યું હતું. શોની લૉન્ચ-ઇવેન્ટમાં કરણ આ લુકમાં પહોંચ્યો હતો, કારણ કે શોમાં તેજસ્વીના પાત્રમાં ટૅટૂનો કન્સેપ્ટ પણ જોડાયેલો છે. આ શો વિશે વાત કરતાં કરણે કહ્યું હતું કે ‘હું હંમેશાં તેજસ્વીને સપોર્ટ કરવાનું પસંદ કરીશ. શો ખૂબ જ રસપ્રદ છે અને પ્રમોશનમાં ભાગ લેવો એ સપોર્ટ બતાવવાનો શ્રેષ્ઠ રસ્તો છે.’
