21 July, 2021 02:46 PM IST | Mumbai | Harsh Desai
સ્વાતિ કપૂર
‘કુંડલી ભાગ્ય’માં માહિરાના પાત્રમાં જોવા મળી રહેલી સ્વાતિ કપૂર હવે આ શોમાંથી એક્ઝિટ લઈ રહી છે. આ શોમાં માહિરા જ્યારથી લુથરા ફૅમિલીમાં એન્ટર થઈ છે ત્યારથી દરેક માટે મુસીબત લઈને આવી છે. તે પ્રીતાને દુખ પહોંચાડવા માટે કંઈ પણ કરી શકે છે. જોકે નવા ટ્વિસ્ટમાં તેણે લુથરા-ફૅમિલીથી દૂર થવું પડી રહ્યું છે. આ વિશે વાત કરતાં સ્વાતિએ કહ્યું હતું કે ‘માહિરાની મુબસાફરી ખૂબ સુંદર અને મારી બે વર્ષની આ મુસાફરી મને ખૂબ પસંદ છે. મને નહોતી ખબર કે માહિરા જેવું પાત્ર મારી લાઇફનો એક પાર્ટ બની જશે, પરંતુ એ નિયતિ હતી કે મને આ પાત્ર મળ્યું. મેં આ માટે કોઈ લુક ટેસ્ટ કે ઑડિશન નહોતું આપ્યું છતાં હું આ પાત્ર માટે પર્ફેક્ટ હતી. આ પાત્રના પૉઝિટિવ અને નેગેટિવ બન્ને શેડ્સ હતા. આ પાત્રને છેલ્લે સુધી ભજવવાની મને ખૂબ મજા આવી હતી.
આ શો મને છોડીને જવાનું ખૂબ જ દુઃખ થઈ રહ્યું છે, પરંતુ કદાચ નવો ટ્વિસ્ટ અથવા તો પ્લૉટ મળે તો માહિરા ફરી સરપ્રાઇઝ એન્ટ્રી કરી શકે છે.
શરૂઆતથી લઈને અંત સુધી આ શોની ટીમ ખૂબ સપોર્ટિવ હતી. હું તેમને દરેકને ખૂબ મિસ કરીશ. આ શોની સ્ક્રિપ્ટ પર મારું નામ વાંચવાને હું સૌથી વધુ મિસ કરીશ. દર્શકોએ મારી આ મુસાફરીને ખૂબ યાદગાર બનાવી એ બદલ હું તેમનો આભાર માનું છું.’