ક્યોંકિ.. સાસ ભી કભી બહૂ થી 2 નંબર વન અને ટૉપ 5માં નવા બે શોની એન્ટ્રી

એ પછી રૂપાલી ગાંગુલી અભિનીત ‘અનુપમા’ ૨.૦ પૉઇન્ટ સાથે સતત બીજા ક્રમે જળવાઈ રહી છે

સ્મૃતિ ઈરાની

બ્રૉડકાસ્ટ ઑડિયન્સ રિસર્ચ કાઉન્સિલ દ્વારા તાજેતરમાં ટેલિવિઝનના લોકપ્રિય શોની લેટેસ્ટ યાદી જાહેર કરવામાં આવી છે. આ યાદીમાં એકતા કપૂરની સિરિયલ ‘ક્યોંકિ... સાસ ભી કભી બહૂ થી 2’ ૨.૦ રેટિંગ સાથે પ્રથમ ક્રમે છે. એ પછી રૂપાલી ગાંગુલી અભિનીત ‘અનુપમા’ ૨.૦ પૉઇન્ટ સાથે સતત બીજા ક્રમે જળવાઈ રહી છે. પ્રિયંકા ચાહર ચૌધરીનો શો ‘નાગિન 7’ ૨.૦ પૉઇન્ટ સાથે ત્રીજા સ્થાને સરક્યો છે. આ લિસ્ટમાં નવા બે શો ‘વસુધા’ અને ‘ગંગામાઈ કી બેટિયાં’એ ટૉપ 5માં આશ્ચર્યજનક એન્ટ્રી કરી છે અને બન્નેના પૉઇન્ટ ૧.૯ નોંધાયા છે. આ અઠવાડિયે પહેલા ત્રણ અને છેલ્લા બે શોની પૉઇન્ટ લગભગ સમાન છે, પણ બહુ જ નાના તફાવતને ધ્યાનમાં રાખીને રૅન્કિંગ આપવામાં આવ્યું છે.