29 November, 2025 04:37 PM IST | Mumbai | Gujarati Mid-day Correspondent
સ્મૃતિ ઈરાનીએ ફ્રાઇડે ફ્લૅશબૅકમાં યાદ કર્યા જૂના દિવસો
ટીવી અને રાજકારણની એમ બન્ને દુનિયામાં સ્મૃતિ ઈરાનીએ પોતાની આગવી ઓળખ બનાવી છે. સ્મૃતિ લાંબા બ્રેક પછી ફરીથી ટીવીની દુનિયામાં પાછાં આવ્યાં છે. હાલમાં તેઓ ‘ક્યોંકિ... સાસ ભી કભી બહૂ થી 2’માં જોવા મળી રહ્યાં છે. ગઈ કાલે સ્મૃતિએ ‘ફ્રાઇડે ફ્લૅશબૅક’માં પોતાની જૂની તસવીર શૅર કરી છે જેમાં તેઓ લાલ સાડીમાં પોઝ આપી રહ્યાં છે. આ તસવીર સાથેની કૅપ્શનમાં તેમણે પોતાના જીવનની મહત્ત્વપૂર્ણ પળો અને અનુભવ વિશે લખતાં જણાવ્યું છે, ‘જીવનની ભાગદોડમાં આપણે ઘણી વાર સમજતા નથી કે જે પળો આપણે જીવી રહ્યા છીએ એ કેટલી ખાસ અને મૂલ્યવાન છે. વર્ષો પછી કોઈ જૂની તસવીર જોવા મળે ત્યારે એ પળો ફરીથી જીવી ઊઠે છે અને યાદોની તાજગી ફરી અનુભવી શકાય છે. આ પળો માત્ર મારા માટે જ નહીં, મારા ફૅન્સ માટે પણ ખૂબ ખાસ છે. આ ફ્રાઇડે ફ્લૅશબૅક મને મારા જીવનની યાદોને અને અનુભવોને યાદ કરાવે છે, જેણે મળીને મારું ઘડતર કર્યું છે. હું મારા જીવનના આ પ્રવાસ માટે મારા ફૅન્સનો આભાર માનું છું જેમણે હંમેશાં મારો સાથ આપ્યો છે.’