સ્ટ્રીમિંગ પ્લૅટફૉર્મે મને સિક્યૉર ઍક્ટર બનાવ્યો છે : સાકિબ સલીમ

હું લોભી છું, મને કામની ઇચ્છા હોય છે. પછી ભલે તમે મને થિયેટર્સમાં, લૅપટૉપ કે પછી મોબાઇલની સ્ક્રીનમાં જુઓ, એ તમારી મરજી છે. હું તો માત્ર ઇન્ટરેસ્ટિંગ પાત્રો ભજવવા માટે મારી જાતને આગળ ધપાવતો રહું છું.

સ્ટ્રીમિંગ પ્લૅટફૉર્મે મને સિક્યૉર ઍક્ટર બનાવ્યો છે : સાકિબ સલીમ

સાકિબ સલીમનું માનવુ છે કે સ્ટ્રીમિંગ પ્લૅટફૉર્મે તેને સિક્યૉર ઍક્ટર બનાવ્યો છે. તેણે ૨૦૧૮માં ‘રંગબાઝ’ દ્વારા વેબ-સિરીઝમાં એન્ટ્રી કરી હતી. ડિજિટલ પ્લૅટફૉર્મ વિશે સાકિબ સલીમે કહ્યું હતું કે ‘ઑવર-ધ-ટૉપ પ્લૅટફૉર્મે મને સિક્યૉર ઍક્ટર બનાવ્યો છે. ડિજિટલ પ્લૅટફૉર્મ્સના અસ્તિત્વના કારણે ઍક્ટર્સ હવે પહેલાં જે કરતા હતા એ જ માત્ર ઍક્ટિંગ કરી શકે છે. અમે ફરીથી અમારાં કૅરૅક્ટર્સ, ગ્રાફ્સ પર ધ્યાન આપી શકીએ છીએ. હું ઍક્ટર્સ કે અન્ય કોઈ પર પણ આરોપ નથી નાખી રહ્યો. જોકે જ્યારે આપણે પહેલાં માત્ર થિયેટર્સના ભરોસે જ બેઠા હતા ત્યારે શુક્રવારે રિલીઝ થતી ફિલ્મ પર જ બધું નિર્ભર રહેતું હતું. ફિલ્મનું ઓપનિંગ શું હશે? શું મારી ફિલ્મ કમર્શિયલી પૂરતી રહેશે? શું હું લોકોનું ધ્યાન ખેંચવા માટે વધુ પ્રયાસ કરું? એ બધાની વચ્ચે તમે તમારું મૂળભુત કામ ઍક્ટિંગ ભૂલી જાઓ છો. ઓવર-ધ-ટૉપ પ્લૅટફૉર્મને કારણે હું મારી ઍક્ટિંગ પર વધુ ધ્યાન આપી શકું છું. જે પણ કૅરૅક્ટર્સ મારા ગજા બહારનાં હોય એના પર વધુ ધ્યાન આપવા મારા કમ્ફર્ટ ઝોનમાંથી હું બહાર આવું છું. આ સ્પેસને હું ખૂબ એન્જૉય કરું છું. મારી ફિલ્મ ‘83’ થિયેટર્સમાં રિલીઝ થવાની છે. હું લોભી છું, મને કામની ઇચ્છા હોય છે. પછી ભલે તમે મને થિયેટર્સમાં, લૅપટૉપ કે પછી મોબાઇલની સ્ક્રીનમાં જુઓ, એ તમારી મરજી છે. હું તો માત્ર ઇન્ટરેસ્ટિંગ પાત્રો ભજવવા માટે મારી જાતને આગળ ધપાવતો રહું છું.’