સમય થઈ ગયો છે ‘બ્રીધ’ કરવાનો

અભિષેક બચ્ચન અને અમિત સાધ ફરી થશે આમને-સામને

‘બ્રીધ : ઇન ટુ ધ શેડો’ની ટીમ

અભિષેક બચ્ચન અને અમિત સાધ હવે આમને-સામને થવાના છે. ‘બ્રીધ’ની બીજી સીઝન ‘બ્રીધ : ઇન ટુ ધ શેડો’માં અભિષેક અને અમિતે કામ કર્યું હતું. આ શોમાં અભિષેક પોલીસની મદદ કરતો જોવા મળ્યો હતો, પરંતુ અંતે અમિતને ખબર પડે છે કે રિયલ વિલન કોણ હોય છે. તેને જાણ થાય છે કે અભિષેકની ડ્યુઅલ પર્સનાલિટી છે અને હવે આગામી સીઝનમાં તેઓ આમને-સામને જોવા મળશે. મયંક શર્મા દ્વારા ડિરેક્ટ કરવામાં આવી રહેલા આ શોનું શૂટિંગ શરૂ થઈ ગયું છે. આ શોનું શૂટિંગ મુંબઈ અને દિલ્હીમાં કરવામાં આવશે અને એ ૨૦૨૨માં રિલીઝ કરવામાં આવશે. લોકોને બીજી સીઝન ખૂબ પસંદ પડી હોવાથી હવે એની ત્રીજી સીઝન લવાઈ રહી છે. આ સીઝન પહેલાંની બે સીઝન કરતાં વધુ થ્રિલથી ભરપૂર હશે તેમ જ આ શોમાં વધુ નવાં પાત્રોનો પણ સમાવેશ કરવામાં આવ્યો છે જેથી એને વધુ ઇન્ટરેસ્ટિંગ બનાવી શકાય.